صفاء علي الدوري
الحوار المتمدن-العدد: 4232 - 2013 / 10 / 1 - 15:46
المحور:
الادب والفن
على ذكرى الــجرح مشتاكَـ...
على ابواب الرجى اكتبلك حروف اعتاب..
خمس احروف ليل ونار ظل محتار
يا روح النبـــض لا تنبــــض بعد لتهاب
ذاك افلان نام الليل مو سهران
مومثلك مدّوهس دومك تنتظر غيـــاب
على اعيون القصايد كحلت حرفي
وعشكَت الليل آخ الليل يا جـــــذاب
وغسلت ايدي من الجفوني سكوت
وطاري الاعهود المضت سيرتها ماتنجاب
وكتلني الخوف روحي اطوف ..
انتظرتك ياحلم سهران شمعي ذاب
يا كَلبي الفطير شبيك بس تحن..؟
كافي توّن على عشرة اطيوف الماترد الغاب
تعال انعوف هالدنيا ونروح ابعيد..
ونكتب عالأثر ماشين وما نرجع ندكَـ البـاب
ــــــــــــــــــــــــ
صفاء الدوري
2013/1/10
#صفاء_علي_الدوري (هاشتاغ)
كيف تدعم-ين الحوار المتمدن واليسار والعلمانية
على الانترنت؟