مختار سعد شحاته
الحوار المتمدن-العدد: 4199 - 2013 / 8 / 29 - 20:20
المحور:
الادب والفن
صورك.....
صورتك المعكوسة فى كل الوشوش..
بانت هنا بوضوح..
كل الوشوش ملاها الحزن ع الآخر..
والضحكة ليها لون باهت على الآخر
هنا الحزن مفرود ومتمطّع ..
وبيزاحم فرحه ف الميادين..
شاخت كل المرايل ف قلب الصف ...
وأنا هنا...
بأعلن سكوتى المشبع بانتصار الزيف..
وصورتك بس تفضلى..
وبتجينى قبل النور وبأتزغلل..
فأتعجب..
إزاى بتقدر نفس الصورة ف الضلمة بنفس النور..
وأشوف فيها الجري والتنطيط ..
وضحكنا النابت على توتة للأحلام
ساعات الصورة تخدعني،
تلاعبنى كأني ضرير
أحسّ الضلمة ع الآخر ولا بأفهم ف وصف النور
كل الخلايق عبرت السكة؛
وأنا واقف...
ايدى ف ايد صورتك المعكوسة ف كفى..
وليه مبنعديش؟!
مختار سعد شحاته.
Bo Mima
روائي.
مصر_إسكندرية.
#مختار_سعد_شحاته (هاشتاغ)
كيف تدعم-ين الحوار المتمدن واليسار والعلمانية
على الانترنت؟