محمد جلاب البديري
الحوار المتمدن-العدد: 4197 - 2013 / 8 / 27 - 08:33
المحور:
الادب والفن
جزانه الريل
وحنه بسِد محطّه بروح منتظرين
موجات المحبه
تعيِد بينه الحيل
وشتلات العِشگ
مالن .. وذبلن بين شحّة ماي
وطيوف نجم سهيل
لا مزنة مطر وتْمُر حنين بطيف
ولا لهفة عِشگ
تشبگ حضنّه بسيل
چانون أشتعل ماتطفه ناره بيوم
من سنين
مسعوره بسوالفنه غصب
ياحيف
داسة عالسنابل خيل
لاشفنه حبايب
ولاسمعنه حچاية الملهوف
وتفزز سوالفنه مهر
ولا موگد حنين وريحة الهيل
ونّه وهندس بروحك
جرح يچوي
شمالك طَوَلِت ياليل
بگلوب الِمْحبين دگ روحه جرح
ياخِلِگ هذا الليل
نام وسلهمت عينه بحلمهه فياض
وحْنه مسامرين الحيف
ياويل
....
مشينه وكل كتر بينه
يحاچينه
ويسولف من محاچينه
ويدندن من حزن متراكُم
إعْليّنه
بعد غُربتنه ضاع الشوف
بس دموعنه الشافة
بچينه
وينك يل حضنة العشگ
وسنينه
ضعة من ضاعت الديره بحزنهه
الچانت بحضنك رهينه
وصفت روحي تلوذ بيه
وچنهه تتنطّر بحر
بيه السفينه
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟