محمد جلاب البديري
الحوار المتمدن-العدد: 4174 - 2013 / 8 / 4 - 13:59
المحور:
الادب والفن
أرديك ياعطش
تفزع بروج الماي
وشِگ جرْف النهر
وشْتَم فرح بهواي
حط چفيّ بيمينك
خَل نشد الحيل
مثل الحزن
من يعشگ حنين الناي
الوكت بينه عُبَر
وكتّين مايلاّح
وحنه الياوكت
نمشي العُمر بهداي
شمعه ومن توِج
ماتمُض بيهه الريح
عدله دروبهه
وتعرف تخط الراي
يساري الطيف
يمشي ويل يحبون
هِوى الناس بعشگهه
وطافة إهواي
تاريخ إنكتب برواحهه سنين
شهامه وماتهاب
الضيم لو جاي
تفرح من تشوف الفرح
شمسين
وي عين الگمر
ترسم عرس من هاي
تحرِگ بالحزن
بس الحزن ناطور
تمشي ويل وكت
وتغَيِر الداي
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟