محمد جلاب البديري
الحوار المتمدن-العدد: 4174 - 2013 / 8 / 4 - 12:28
المحور:
الادب والفن
شلون دربك ضاع منّي
مرافگه سنين بحنيني
وراسيه روحك سفينه
بجرف عيني
وين تيٌهت الدرب
والديره لبسة حزن غُربه
من ونيني
شلون أشوفك يافرح
شمعه وعِرس
ناذر الشوفك سنيني
وناطرك شوگي يجيك
لو حلم أنت تجيني
....
..
عُبرت بحور لعيونك
ونه جروحي تزف جروح
أريدن چلمة شلونك
يازخّة فرح بالروح
....
چنت مثل الربيع وياك
هسّه بديرة الغربه
ومن إيمر عَلَيْ طرواك
عاشگ شم هوى بدربه
تهت شتنطّر بوحدي
غيمة صيف وتعدّي
ولكاك بنَفِس لونك
....
تعال وياي أريدن بيك
أشمّن ريحة النهرين
تعال إرضيني وانه أرضيك
ومْسَح دمعة الخدين
أصيحك يابعد روحي
تعال وضمّد جروحي
صعب ماعيش من دونك
عُبر بْحور
لعيونك
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟