مزمل الباقر
الحوار المتمدن-العدد: 4169 - 2013 / 7 / 30 - 08:49
المحور:
الادب والفن
مناجاة
غمست الريشة في الدمعات
نقشتك فوق جروف(1) .. النيل
بكيتك . . في أواخر الليل
بكيت .. بالحيل(2)
وناجيتك ..
بريدك .. وانت عارفني
محرّق فيك .. دم قلبي
بعض إيدي . وأقول: أحيّ
وانعل فيه شقاوة الحال
حكم ظالم .. وحال بطال
اريتو الحال
دا ما حالي ..
أيام مُرّه زي حنضل
عبرة في حلقي .. خانقاني
غشاوة في عينيّ .. عامياني
بدور .. أشكي
وما بقدر
بدور .. أحكي
وكيف .. أٌقدر
أمدرمان في 11مايو1999م
(1) الجروف: بضم الجيم ومفردها جرف ( بفتح الجيم) هي سواحل نهر النيل وروافده بالسودان ويستفاد منها في شهور موسم الصيف عند انحسار النيل لزراعة بعض الخضر والفاكهة.
(2) بالحيل: بكثرة
#مزمل_الباقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟