عبدالله صقر
الحوار المتمدن-العدد: 4163 - 2013 / 7 / 24 - 07:24
المحور:
الادب والفن
جرالك أيه ياوطن ؟ !
ساكت ليه
لما الغربان وخدينك سكن
وبيقتلوا فيك ؟ !
هو لا سمح الله معروف
عنك الجبن
ولا صبرك عليهم طويل
كل يوم قتل فينا ومحن
وبيزودوا الجراح فيك
جرى أيه يا وطن
ماهو إحنا برضه عيالك
وبنحتمى فيك
ننتظر لما يدخلوا علينا
بيوتنا ويقتلونا ويخربوا فيك !!!
جرى أيه يا أبو قلب كبير
ياله شدد مساعيك
وطير غربان الوطن
إل بيهدموا فيك
كفاية كده بهدلة
وكفاية أجرام وقلة أدب فيك
عاوزين نحس بأمان
ونحس بمساعيك
لآن ساعة الخطر
الكل بيجرى عليك
علشان يمنع عنك الخطر
والكل يطمئن فيك
#عبدالله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟