محمد جلاب البديري
الحوار المتمدن-العدد: 4157 - 2013 / 7 / 18 - 11:07
المحور:
الادب والفن
وينك ياغريب
وين ناوي تريد تحصد غربتك
والغربه مابيهه نصيب
ولاعناوين التسولف طيف أهلهه
الغربه ماتعشگ حبيب
سيفهه إيگطّع شرايين المحبه
وأبد ماتعرف غريب
ياحلم
أدري ديرتنه غريبه
بنص هلي وماعندي ديره
حاضن أوراقي ومهجتي
وهاجرة والنهد يرضعني
حليب
وين مارحت غربه
يامحطّه تعين دربه
وروحي ترفه بحضن گاع إلّي حوتهه
تريد تربه
ويابخت نلگله ونِجيب
بس نحِيب
والجرح من كُبُر ونّه
موگد وعطّب لِهيب
آخ من ونّة الحصره
كل حزن حاضنته رهبه
ياوجع نوحك رهيب
وانه عاشگ والعشگ فايض بروحي
وتاه من روحي حبيبي بزحمتي
والزحمه صعبه وماتهيد
مرض مزمن
لاله مشفه ولاطبيب
آخ من كثرة جروحي
وياجرح منّي يطيب
ونتظر نطرات روحي
وياصبر طيفه
يجيب
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟