صفوت سابا
الحوار المتمدن-العدد: 4142 - 2013 / 7 / 3 - 22:55
المحور:
الادب والفن
هذه القصيده هى لسان حال مصرى وقف أمام الرئيس المصرى محمد مرسى يطالبه بالتنحى. وقد نظمت هذه الأبيات على بحر المتدارك التام.
أفرج عن مصر يارايس
أفتح بابها المتليس
وأختار بلا فكر متيس
تتْنَحَّى وتبقى كويس
ماتقولش خلاص أنا مالك
وفى ظلمك تفضل سالك
دا نهارك أصبح حالك
أتْنَحَّى مصيرك هالك
الشعب خلاص قام ضددك
تسعين مليون مش طايقك
أمريكا بتبيع عَرْضك
أتْنَحَّى خلاص مش شعبك
لابديع ولاحتى الشاطر
بلتاجى خلاص مش فاكر
أختار نطرون يا قناطر
أتْنَحَّى وخليك شاطر
الثوره دى ليها شباب
وكمان إعلام ع الباب
يحرسها ، دا مجدك غاب
أتْنَحَّى ياليله هباب
والجيش حارس لبلاده
ربنا يحميه لشبابه
مهما تهدد فى ولاده
أتْنَحَّى ياتبقى مَنَابُه
وقضاء شامخ وشريف
دا مغمى عينيه وعفيف
يحكم بقانون مش كيَّف
أتْنَحَّى وخليك حريف
#صفوت_سابا (هاشتاغ)
كيف تدعم-ين الحوار المتمدن واليسار والعلمانية
على الانترنت؟