عاوزة حقيِ

فرح محمد

الحوار المتمدن-العدد: 4127 - 2013 / 6 / 18 - 14:18
المحور: ملف فكري وسياسي واجتماعي لمناهضة العنف ضد المرأة
    

في المُجتمع الشرقي وبين الأُسر سِمات مُشتركه وتربيه مُشتركه لدي البعض من القائمين علي تربيه الأطفال وبخاصه تربيه الإناث منهم,فعند تربيه الأنثي منذ نعومه أظافرها ومن ناحيه الأم الآتي وهذا علي سبيل المثال وليس الحصر:
# في مرحله الابتدائيه:
اوعي تلعبي مع ولد واوعي تقعدي فِ الفصل جنب ولد عشان عيب.
اوعي تقربي من ناحيه جسمك (مناطق بعينها) عشان عيب.
ولو فكرت في شئ ما وحبت تسأل كَطفله بريئه : مين قالّك الكلام ده. وازاي تسألي كده؟ مش كده عيب؟ مع نظرات نهرّ وضَجرّ ووعيد بالعقاب^^
# في مرحله الإعدادي:
تعالي ادخلي معايا المطبخ عشان تتعلمي تطبخي عشان لما تتجوزي مَنتكسفشّ اودام جوزك ويقول عليكي خايبه
قومي رَتبي البيت واعرفي ازاي تتعلمي كل حاجه عشان لما تتجوزي جوزك مَيقولشّ عليكي مش نظيفه ^^
بتذاكري يبنتي اتعلمي ازاي تبقي سِت بيت احسن يعني اللِ اتعلموا اخدوا ايه؟ وبعدين الواحده ملهاش غير بيتها وجوزها^^(ده سمعته بالحرف من احدي المعارف لِبنتها اللِ فِ اولي اعدادي)
# فِ مرحله الثانوي:
جالك عريس قومي بقي ورّيلهُُ شطارتك وعرّفيه انك بتعرفي تعملي أكل (بيحصل كتير)
نفسي ادخل كليه حلوة واحقق احلام كتير^^, كليه ايه اتعلمي طريقه طاجن الباميه باللحمه عشان لما تتجوزي اصل الرجاله بتحب الأكل اوي (حدث ولا حرج في اغلب البيوت بيُقال هذا الهُراء)
# فِ مراحل ما بعد الثانوي نفس السابق لكن علي أوسعّ وأشملّ وما ذكرته علي سبيل المثال وليس الحصر.

لما البنت تفضل تتعلم من صُغرها ازاي تعرف تطبخ /تِغسل/ترتب بيت/ الخ الخ الخ طب لما تتعرض لِتحرش او اغتصاب ليه مفيش تعليم من صُغرها ازاي تعرف تاخد حقها ؟
ازاي مَتسكُتش لو حد اتعرض ليها او ضايقها ؟ ليه مَحدشّ بيوجهها ازاي تتصرف وتِعمل ايه؟ ليه كل التفكير فِ ازاي تعرف تطبخ وتغسل وتِكوي وتربي عيال عشان راحه رجل, في حين انها بتتعرض لِتحرش من اشباه رجال فِ الشوارع والاماكن العامه و و و و ...
ازاي تِقدر بنت تتحمل مسؤليه رجل وهو بالاساس لم يستطيع حتي الحفاظ عليها(كَمعني كلمه رجل) ازاي تقدر تدافع عن نفسها ومن صُغرها اتربت علي انها
عيب تلعب مع ولد او تتكلم مع ولد ولما تِكبر وتتعرض لِأي موقف ما تِخاف طبعا تتكلم ما هو لما يزرعوا فيكي الخوف من صُغرك ازاي هَتعرفي تتكلمي وتدافعي عن نفسك من ولد قالولِك عيب تتعاملي معاه؟
من هنا يبدأ الحق يضيع ماهو كله جاي عليها المُجتمع والرجل اللي بيتحرش والخوف اللي جواكي و و و..
المُجتمع اللي بيقولّك مَتتكلميشّ عشان ممكن يسببلّك مشكله
واللي اتحرش عارف انك هَتخافي تتكلمي فَ عادي بقي عايش الليله
وخوفك اللي جواكي من انك تتكلمي اصل الناس هَتقول ان انتي السبب والناس هَتتكلم ويقولوا بنت وحشه والخ الخ
•فوقيِ واكسري كل القيود/الخوف/التفكير اللي اتربيتي عليه, اكسري خوفك من جواكي ومَتسكُتيش علي حقك لو أي حد اتعرضلّك اتكلّمي
خُدي حقك لِانك لما تُسكتي النهاردة التحرش ده مُمكن يقلب لِإغتصاب بُكرة وبردو هَتسكتي^^
•من حقك تدافعي عن نفسك , من حقك تمشي في اي مكان وانتي مش خايفه حد يتعرضلّك بِكلمه او بِمدّ إيدّ علي جسمك لِإنك مش مِلكيه عامه لِلجميع^
•من حقك تعيشي حياتك زي مَ انتي عاوزه طالما لا ضرر ولا ضِرارّ, من حقك تتعلمي وتحققي كل احلامك عشانك انتي مش عشان رجل,
تتعلمي عشان نفسِك انتي مش عشان لما تتجوزي^^
•مَتخلّيشّ حدّ يتحكم فِ تفكيرك واختياراتك, مَتخلّيش حدّ يكسِر احلامك ونفسِك,مَتخلّيش حد يضيع حقك واعرفي ازاي تقولي عاوزة حقيِ.
/بقلم فرح محمد.

جميع مقالاتي حقوق محفوظه ومُسجلّه..

#فرح_محمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات