محمد جلاب البديري
الحوار المتمدن-العدد: 4114 - 2013 / 6 / 5 - 07:17
المحور:
الادب والفن
أجيت .. ومالگيتك
لگيت الشوگ حسره إيغازل بطيفك
حلم ياخذ لذيذ إهواك
بطيوف العمر من چانت بسِدّك حنين
ومادريتك
تهت بيَه غريب وحاضن بروحك
جمر غربه
ولا فد يوم
حنيت السوالف من كحل عينك يبرحي
وشتهيتك
مثل مايشتهي الحزن فرحه
تْمُر ترِف بجناحّهه وتسكن بروحه
وانه ناطر
مالگيتك
مدري ياهو الضاع مني
وضعت عنّي
وضيعيتك
وضاعت بروحي السوالف
عفت دربي وتيهيته
وتهت لأني من ذاك الجنوب
ولاني من هذا الشمال
وچنت يمّك
تيهيتك
صرت أعاتب روحي .. ماترضه بعِتابي
ورحت ماخذني الحلم لهْناك
أدَوِر عن حَنينك
شفت روحي أدگدگ إبيبان
بيتك
دمعه تاخذني نهر عطشان
ويبات بجرف عينك
ودمعه ماتعرفني من آنه
إعتنيتك
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟