محمد جلاب البديري
الحوار المتمدن-العدد: 4111 - 2013 / 6 / 2 - 08:10
المحور:
الادب والفن
غريب بعيني أشوفنّك
ولاچنّك
ربيت بروحي من سنين
شايل ونّي إونّك
يا بذره الشتلتك من سگاهه الماي من ونّي
صفت خير وسنابل تضحك
بسنّك
وينك يانِفس بهْواي
لاشفتك حلم مرِيّت
يحضن همّي وي
وهمّك
رسمتك وي نبض گلبي
مثل ناعور يحضن ماي وتخضّر بساتين الفرح عرسين للديره
يالَوّعه الصفت وياك
شفتك تمسح
برسمك
سميتَك عشگ
وشديتك وَشِم عمرين
من يوم الولاده الماعرف
بسْمَك
أريدك ترجع الروحي
وانه وياك نرسم فرحه بجروحك
تغازل ونّة جروحي
وترد أيامنه المسحة تعب
عنّك
موبيدي أحبنّك
أشوفك نبعة الريحان
حيره شلون ألِزمنّك
وظل مشابگ إويه الريح
من نسمتهه
أشمنّك
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟