حسام الحداد
الحوار المتمدن-العدد: 4107 - 2013 / 5 / 29 - 11:51
المحور:
الادب والفن
الحلم لسه مادد ايده بالسلام
وانت بتهز ف شجر التوت،
تضلل ع العيال فى الشارع،
توزع ابتسامك ع الخلق،
ياروح مابعدك روح ..
فى ساعة العراك بتكون..
حكيم،
ما أنت الكبير
واجب عليك المحبة
وسترة البنت لعدالها
واجب عليك
تقطف نجوم السما .. وتزرعهم
على شعر بنوته
تغرس زهور المحبة .. فقلب صبى
الله عليك
لما تجمعنا ف قاعدة فرفشة
مشح اشوفك تانى ؟
ولا لسه الميعاد بيننا مستنى ..
طالة رجوع ابنسامك ؟
لو ما جيتش .
مش ح اعتب عليك،
أو الومك.
بس
خليك فاكرنى
واحجز لى مكان جنبك،
يمكن أحصلك قريب
• احمد الفلو شاعر مصرى ، سكندرى توفى مايو 2013
#حسام_الحداد (هاشتاغ)
كيف تدعم-ين الحوار المتمدن واليسار والعلمانية
على الانترنت؟