محمد جلاب البديري
الحوار المتمدن-العدد: 4094 - 2013 / 5 / 16 - 10:02
المحور:
الادب والفن
مشيت وياك
روحي مرافگه سنينك
تهزني العِشره من فرگاك
مارايد ولف غيرك
وخايف من أصيح إعْلّيك
ياطيف العمر وينك
رُبِيت وياك من چان الحزن بهداي
ونَّه وياي
وسنيني ..مطر تنزف
نده وبهداي
من كثّرالعطش بالماي
گطراته
صفن كلهن دواوينك
ياطيف المحبه تريد تشتل
بذره وي طينك
وتخَضّر فرح
ينطر بروحه وياك
ويْعِينك
ورسملك كحل لونه بْسِمار الليل
من يشبگ رمش
يحرس إصبي عينك
ياسن الربيع وياحزن بالناي
يافرحة عشگ كل المحبه وياك
يازِينَك
ياروح الوطن
شفت الوفه بدنياك
عِد عيناك
ماخذني بحلم
لنّه الحلم عنوان
يجمع ديني وي
دينك
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟