زناد وتسجيل سِري لأحد اجتماعات المصالحه الوطنيه!!

سامر رسن الواسطي

الحوار المتمدن-العدد: 4057 - 2013 / 4 / 9 - 16:32
المحور: كتابات ساخرة
    

زناد وتسجيل سِري لأحد اجتماعات المصالحه الوطنيه!!
بعد وجبة غداء دسمه خرج احد مؤتمرات المصالحه الوطنيه بتوصيات مهمة تحث على نبذ الخلافات والدعوة الى التسامح والمصالحه والوحده الوطنيه وكانت الابتسامة تُزيين أفواه الجميع وخاصةً عندما تقترب منهم كاميرات التصوير...
بينما تمكن احد عمال التنظيف في مكان الاجتماع وهو(زناد أبن سيد شنين وهو رجل من مدينتي الشعبيه وأبن شيخ فخذ وطالما يكون معكَل في مدينتنه وأفندي في مكان عملة في احدى البنايات المهمة في المنطقه الخضراء)فتمكن زناد صديقنه من الدخول في التجمعات الفرديه للوفود المُشاركه في هذا الاجتماع وتمكن من تسجيل بعض الأحاديث التي دارت هناك:
شِله من حزب الدعوة(هسه اندري هذوله العربنجيه جماعة التيار الصدري منين الله بلانه بيهم)...
شِله من التيار الصدري(انتو كل عقلكم حزب الدعوة يفيد العراق،عمي كفيلكم العباس ابو فاضل هاي كَطنه واشلعوهه من اذانكم هذوله تربات ايران وكلشي ما يطلع منهم)..
شِله من المجلس الأعلى(وِلكُم شوفوا هادي العامري أشلون لازك بالمالكي ومطيزنه حتى سلام ما سَلم علينه)...
شِله من القائمه العراقيه(خايبين طاحظ الوكت الي خله هذوله الشروكَيه يحكمون ويسولفون ويلبسون قوط،ابو طه فدوه لعينك بلكي جكاره جيتان لأن هالايام أخو موزه ميبسهه ويانه)..
شِلة من النواب الشيعه(ولكم هذوله السنه دواهم بس ابو درع،وعَلي يسوي طشارهم ماله والي)...
شِلة من النواب السُنه(هسه معقوله السعوديه ما تكَدر تجيب واحد مثل اسامه بن لادن يجي يخلصنه من بقايا الشيعه)...
شِله من الوفد الكوردي(كاكه،السالفه خربانه أحنه ينفصل وطز بالسنه والشيعه نارهم ياكل حطبهم)...
شِلة نواب عرب(وين راح صدام ويطك الأكراد كيمياوي ويخلصنه منهم وِلكم صدﮔ طلعوهه من ماعونهه)...
السيد ابراهيم الجعفري(أن التجلي الوطني يتطلب مِنا أن نكون معبراً استباقياً نحو الخلود الأبدي وقد كان لدراستي في جامعة الموصل الحدباء الأثر الفسيولوجي لوصولي للميتافيزيقيا...و)....
نِسوة مشكلات من كل الوفود مجتمعات وطابكَات على صفحه وياكلن جبس ليز ابو ال500(خَيه هذا الجعفري لو يحطلنه مترجم يترجم كلامه لو يكرمنه بسكوته هواي احسن)...

#سامر_رسن_الواسطي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات