(( ..... اطمن انا جنبك ..... ))

هانى صموئيل

الحوار المتمدن-العدد: 4028 - 2013 / 3 / 11 - 13:09
المحور: الادب والفن
    

(( ..... اطمن انا جنبك ..... ))

اطمن انا جنبك .....
.. متقلقش يا والدى انا سندك
أمانك يا أمى والحضن اللى يضمك .
اطمن انا جنبك .....
.. يا أخويا اطمن انا ضلك
دا الدم اللى فــ عروقى دمك .
اطمن انا جنبك .....
.. أختى , انا سامع حتى همسك
وفداكى عمرى لو دا فـــ صالحك .
اطمن انا جنبك .....
.. يا صديقى كتفى فـ كتفك
متخفش لا يمكن يوم اتخلى عنك .
اطمن انا جنبك .....
.. يا حبيبى حبيتك وبحبك
وهأفضل طول العمر احبك .
اطمن انا جنبك .....
.. انا ايدى حاضنه يدك
وحضنى مفتوح عشان يضمك .
اطمن انا جنبك .....
.. انا دارى وعارف همك
انا عكازك , سندك وفـــ ضهرك .
اطمن انا جنبك .....
.. ايدى محوطاك بتطبطب على كتفك
وهتفضل دايما تمسح فــ دمعك .
اطمن انا جنبك .....
.. يا قلبى حب واتمسك بحبك
اتمنى وانا دورى احقق حلمك .
اطمن انا جنبك .....
.. يا ولدى انا حمايتك
متخفش غدر الدنيا طول مانا ماسكك .
اطمن انا جنبك .....
.. اطمن يا تلميذى ياللى واخدنى مثلك
انا بحافظ على نفسى عان خاطرك .
اطمن انا جنبك .....
.. يا ابن بلدى ايدى فــ يدك
نبنى نعلى وطنى وطنك .
اطمن انا جنبك .....
.. يا قطى الاليف انا امنك
بتحبنى وانا كمان صدقنى بحبك.
اطمن انا جنبك .....
.. ياللى بتحبنى لشخصى ومقربنى منك
من قلبى بقولك (( اطمن انا جنبك )) .

انا عارف ربى انك جنبى , عشان كدا مطمن وانا جنبك .
م/هانى صموئيل
Eng/Hany Samouel

#هانى_صموئيل (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات