جمال الشرقاوي
الحوار المتمدن-العدد: 4013 - 2013 / 2 / 24 - 00:54
المحور:
الادب والفن
فن الرسايل و حفظناه
شيء من زمان اتعلمناه
لمَّا نفرح لمَّا نحزن
لمَّا نفارق لمَّا نحنّ
فن الرسايل م لوش بدايل
و بكتبلك رسالة حب
بقولك فيها حب وحب
تلف الدنيا تنسى الكون
لكن دايماً اهوانى
و اعشقنى من جُوة القلب
فن الرسايل و حفظناه
شيء من زمان اتعلمناه
فن الرسايل م لوش بدايل
هُمَّا كلمتين و خلاص
نقولهم بس بالإ حساس
أيوة و لأ مفيش غيرهم
بيريَّحوا قلوب الناس
لحد لمَّا نشوف دلايل
هصبُر عليك و حياة عنيك
إكتب و قوللى أخبارك
هفضل أنا مشتاقة ليك
حتى ان حكيت عن أسرارك
و يوم م تيجى اعمل عمايل
فن الرسايل و حفظناه
شيء من زمان اتعلمناه
فن الرسايل م لوش بدايل
#جمال_الشرقاوي (هاشتاغ)
كيف تدعم-ين الحوار المتمدن واليسار والعلمانية
على الانترنت؟