علي كريم
الحوار المتمدن-العدد: 3991 - 2013 / 2 / 2 - 18:14
المحور:
الادب والفن
(الى اللصوص الكبار فقط )
اسرق اسرق
كل دنانير العراق واستغل فرصة عمر
اسرق اسرق
لا حساب ولا كتاب ولا جبر
اسرق اسرق
كل قطرة من نفط العراق ولايفوتك اي بئر
اسرق اسرق
كل درابيين العراق ولا تخليلي شبر
اسرق اسرق
كل احلام الشباب وبوك فوكاهه العمر
اسرق اسرق
حتى نجمات العراق وحتى طلعات البدر
اسرق اسرق
بكل مشاريع الفساد وخل يغركني المطر
اسرق اسرق
حتى نسمات الهوى واحرك اوراق الشجر
اسرق اسرق
قوت اطفال العراق وبمحرم حيل الطم عالصدر
اسرق اسرق
كل حقيقه بهل الزمان وصير انت حسين عصرك
وانا طلعني الشمر
اسرق اسرق
وكثر اموال الحرام وبكل بلاد الدنيا ابنيلك قصر
اسرق اسرق
ولا تهاب احساب هيئات النزاهه مادام مفوح السفر
#علي_كريم (هاشتاغ)
كيف تدعم-ين الحوار المتمدن واليسار والعلمانية
على الانترنت؟