اللجان أحديدة عن الشيطان

ماجد العذاري

الحوار المتمدن-العدد: 3984 - 2013 / 1 / 26 - 07:13
المحور: كتابات ساخرة
    

اللجان أحديدة عن الشيطان
منذ 2003
وليومنا هذا
نسمع عن اي حادث او اي شيء يحدث في العراق ان شاء الله
طفل ضاع من ايد امه راسا نسمع تم تشكيل لجنة
لكو الطفل وضاعت الام
غاز ماكو اتشكلت لجنة
راحو لايران وجابو ساهون وتفتوني
كهرباء ماكو اتشكلت الف لجنة
اربع وزراء والجذب مشتغل للصبح
فاضت بغداد والمحافضات اتشكلت لجنة
صوج المطر اجى هواي هاي السنة
طلع فريق اسود الرافدين ثاني شكلو لجنة
الحكم مرتشي
الطماطة استوردناها من الاردن شكلوا لجنة
طماطة البصرة بيها حموظة
الغاء البطاقة التمونية وارجاعها شكلو لجنة
غلطة العمر
احد المسعولين امثكل اشوي شكلو لجنة
العرك مغشوش
للاتفاق على العلم العراقي والنشيد شكلوا لجنة
ضاعت النوطة الموسيقية والصورة مال العلم
الاجتماعات تكون على طاولة مستديرة لو مستطيلة شكلو لجنة
اتفقوا اتصير كعدة عرب على البساط
بقلم جاف صيني لو ياباني يوقعون شكلو لجنة
قلم قوبيا
دوام المدارس من مزدوج الى رباعي شكلو لجنة
طلاب هواية صوج النسوان
تهديم المدارس الطينية شكلوا لجنة
نوع من انواع الظلم على الطلاب ويجب ازالته
اشراح ايخلون بمكان المدارس الي فلشوها شكلو لجنة
كل 4 اصفوف بكرفان
شالوا راس ابو جعفر المنصور شكلوا لجنة
لان منطي وجهه الى القبلة
اوعدونا يخلون تماثيل لعضماء العراق شكلو لجنة
بعدهم يفكرون وين ايخلونهن
طريق ياحسين كل عشرة كيلو متر شكلو لجنة
وبعدين ما كملوه
الزوار البحرينين ضلوا 8 ايام نايمين بمطار النجف شكلو لجنة
صوج الكمبيوترات عطلت ـ طبعا لانهن سكراب
لانهم يطالبون بالحق المتظاهرين
في الموصل منعوهم من الدخول الى ساحة الاعتصام شكلو لجنة
لانهم يطالبون بحق المتظاهرين
متظاهرين الانبار شكلو لجنة
لانهم لايردون السياسيين الكذابين
ابو ريشة يتهم الاخرين انهم مو من اللجنة
لانهم رادو يسرقون المظاهرات
علي السليمان يتحدث باسم المتظاهرين ويقول انا من يقول نيابة عن اللجنة
تعراك هو وحنان فتلاوي
نفط العراق وين واردته اتروح شكلو الف لجنة ولجنة
لاهالي المنطقة الخضراء حصرا
الابوذية اقدم من الدارمي لو العكس شكلو لجنة
اثنيناتهن دوه للعله
ساجدة عبيد غنت على قبر صدام هل الفديو صحيح شكلو لجنة
دبلجة وفوتو شوب
استيراد مفجرات ومفخخات مو سيارت اسمها سايبه الايرانية شكلو لجنة
مال خال الولد ولازم ايفدونه
ساحة الاحتفالات في بغداد من زمن النظام السابق لو للعراقين شكلو لجنة
عراقية عراقية بس ما يردونها
واذا اريد اكمل الكتابة اني هم راح اشكل لجنة
ابقى هشكل بلا لجان احسنلك
هذا تصرف حكومة العراق لجان في لجان وكل لجنة طبعا يرادلها ميزانية ويرادلها تخصيصات سفر واقامة واكل وشرب ومصرف جيب حلوه هاي مال مصرف جيب مو ويرادلهم كل واحد كمبيوتر لابتوب خاص بيه وهو ما يعرف رجلها من حماها
زين غير من اتروح هاي اللجان لتقصي الحقائق ترجع وتقدم تقريرها الى السلطان سليمان او الباب العالي او دولة رئيس الوزراء خو للشعب ما ايكولولهم شي مكرودين
ابدا كلشي ماكو راحت اللجان ورجعت اللجان واي تقدم لم يظهر على الساحة
لان اللجان هي بالاصل فاسدة ومرتشية ولذلك من اتروح اتدور واتنغبش بسوالف المقابل يجيه المرتشي الاصلي راسا خالي مثل ما انته خمطت اني خمطت فدير بالك تحجي اي شي
من تحجي اني احجي وضاع الشعب بين هل جوكة مال الشلايتية والنشالين والسراق الي متسترين وراء عدة ابواب منها دينية ومنها سياسية ومنها طائفية ومنها حزبية ومنها شيلني واشيلك وفي الاخير محد متضرر غير بس العراقي المكرود
واخيرا صرح الخبير القانوني طارق حرب بما يلي
واضاف" ان الظاهرة الاعلامية البرلمانية في بلادنا ظاهرة اختص بها سادتنا وولاة امورنا واصحاب الشأن فينا من اعضاء مجلس النواب
لم استطع معرفة ماذا يقصد طارق حرب بقوله سادتنا وولاة امورنا منهم المقصودين والمنعوتين بهذا الوصف هل هم اعضاء البرلمان ام رؤساء الكتل ام الرؤساء الثلاثة ام السادة الوزراء فان كان يقصد اعضاء البرلمان فان البعض منهم يستحق ان تصفه بهذا الوصف ان استمروا على منوالهم ومشوارهم الحالي بكشف ملفات الفساد والا الكثير منهم لا ينطبق عليهم الا كلمة اهل بغداد القدماء
دهن الدوني

#ماجد_العذاري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات