نسرين بهمان
الحوار المتمدن-العدد: 3901 - 2012 / 11 / 4 - 21:34
المحور:
الادب والفن
مالك يا سما مليانة غيوم ؟!
مالك يا وطن جوك كده مكتوم ؟!
حتى عبيرك بقى الحريق !
و بين غيومك بقيت غريق
ما لاقي حد يعلمني أعوم
و سط السواد و الحرق و الغيوم
كفانا حرق ف بلادي
حأفضل أصرخ و نادي
يمكن يفوق النايم
يمكن اعدل المايل
و أكون لإيد التخريب ضابط
و للسواد .... أبقى رابط
يرضيكي يا بلد أموت مخنوق؟!
على أرضك و ما اعرف أفوق؟!
ده الحرق و السواد و الدخان
حيصيب ضناكي بالإدمان
إمتى تنتهي الحكاية
إمتى نلاقي نهاية
و نعيش فيك يا وطن بأمان
و ننسى ايام الضنى و الهوان
يمكن ده حلم عبد فقير
لكن حأفضل للأمل غفير
#نسرين_بهمان (هاشتاغ)
كيف تدعم-ين الحوار المتمدن واليسار والعلمانية
على الانترنت؟