عبد الجبار سبتي
الحوار المتمدن-العدد: 3893 - 2012 / 10 / 27 - 21:19
المحور:
الادب والفن
طباع البينه متخلينه
طباع البينه متخلينه ..نخنگ وردة ونحمل فاس
يل ما تدري شصارعلينه..وحکمک اية وما تنداس
بس لو تدري شنهي البينه ..تلف اعمامه تجر انفاس
وتحلف ماتکرب طارينه ..لنک اصغر من هالناس
....
اصعب ضحکه الي تبجينه ..ومن عدها نضوگ الاحساس
شصار وتتگطع رجلينه..چي ما نمشي بدرب انجاس؟
ونهتف والدرب يمشينه..هيهات نخون العباس
ونضحک ضحکة مسلم لما..شمروه من فوگ الاقواس
...
سوو حفله وجابو زينه..وحطو يم کاکا المقياس
وفجرو جامع تابع لينه..جا شنهي الجامع تکساس؟
وگربو کلمن يشتم بينه..ويتعدي عله اعراض الناس
بس الجرح شگد ياذينه.. ما فد يوم اعلنه افلاس
...
طباع البينه متخلينه ..نشيل اسيوف ونگطع راس
کلمن يعرف اصله ودينه..ومو لازم نکتب کراس
نهدد بيه الي يعادينه.. ونضرب اخماس باسداس
نضحک ويه الي ياذينه..ونعلمه عله طباع الياس
#عبد_الجبار_سبتي (هاشتاغ)
كيف تدعم-ين الحوار المتمدن واليسار والعلمانية
على الانترنت؟