نسرين بهمان
الحوار المتمدن-العدد: 3889 - 2012 / 10 / 23 - 12:19
المحور:
الادب والفن
يا ناس اسمعوا الموال
من عمكم " العم كمال"
كتبه في ليالي و سنين
و غناه في لحظة أنين
و عزف اللحن على أوتار...
قلبه الموجوع من ضلمة النهار.
غنى مواله ولا همه حد
من كتر وجعه اللي فاق الحد
سمع اخوه الموال
قاله إعقل يا كمال
موالك كله و جع و شجون
خلليه جواك كده مسجون
حاول عمنا يكتم و يخبي
لكن كأسه كان خلاص معبي
راح أطر يفرج عن الموال
يا عيني عليك يا عم كمال
موالي مش ضعف يابني
ديه القوة في أني أغني
عمر الكتمان.... قصير
ف يابني لا تتوه و لا تتحير
أصرخ ... غني ... اعترض
بدل ما يسكنك المرض
ألف... لحن وقول موال
قبل ما تقول: "ده بختي خلاص مال"
#نسرين_بهمان (هاشتاغ)
كيف تدعم-ين الحوار المتمدن واليسار والعلمانية
على الانترنت؟