لا بنى ولا منى ولا هدى بس زومبي

علي احمد محمود

الحوار المتمدن-العدد: 3881 - 2012 / 10 / 15 - 18:37
المحور: كتابات ساخرة
    

يوميا الفضائيات العراقية والسياسيين الشرفاء المنتخبين بدمائنا طالعين كابطال ومشاهير هوليود
الامريكية وبولي وود الهندية خابصينا باصواتهم وليس بافعالهم بقانون البنى التحتيه والعفو العام و4 ارهاب .. والشعب امكيف خطية وفرحان كلش كلش .. من هم الي عنده مظلوم راح بالرجلين بسبب المخبر السري السحري الناري وفق المادة المعقمة بالديتول 4 إرهاب.... وراح يطلع خطية .. والباقي فرحان راح يصير عدنا أخيرا مجاري وبيوت حديثة وكهرباء.. ونصير مثل مدينة دبي ويجوز احسن ونغني يوميا ليالي الانس بفينا .. بس خلي يكتمل التصويت على قانون البنى مالتهم ... ولكن هسة السياسيين كلبوا علينا.. اغاتي
قسم منهم يكولون لازم انسوي البنى بالاجل لين الميزانية بح بح .. والاخر يكول الاجل يغرقنا بالديون والفوائد وهاي حرام لين احنا مسلمين ونستحرم شنكول لالله يوم القايمة ؟ وقسم اخر يكول مانصوت على البنى الا اذا طبق قانون العفو العام على الكل الي بجاله راح يطلع حتى زومبي و الارهابيين الحققيين الخطرين القتلة البعبع مالتنا ويعني اتصير فوضى وماكو اعمار وبناء بالبلد لين ماكو شركة اجنبية تقبل تجي لبلد بيه مصاصي الدماء.. هاي شلون ربابة صارلنا عشرة سنين ننتظر هاي الفرصة الي طلعت فشنك .. وقسم من الشعب .. خطية هسة بطل ميريد شي يكول عمي خلونا بالخرابة مالتنا والمجاري الطايفة والزباله والعشوائية .. ولا يجينا الارهاب مرة ثانية والطائفية والقتل والتهجير .. منريد اعمار بس خلونا نعيش بسلام تعبنة وابو ابونا انصمط .. وقسم يكول عمي خلي يطلعون بس المظلوميين المكاريد من ولدنا... ويبقون بالسجون الإرهابيون القتلة الأصليين ...بس السياسيين النجباء الي انتخبناهم حريصين علينا كلش كلش ويهمهم راحتنا وسعدنا ومنانه وهنانة ... ما يقبلون لو عفو عام على الكل لو ماكو بنى تحتية يعني لو اطخة لو اكسر مخة ..
زين شنو هل المصيبة ربي ياهو الي يجي يريد ايسوينا كباب ...معقولة لحم العراقي صار ارخص من لحم الغنم .. لين ماكو اي جهة تهدد الغنم والابقار والانعام ..بس واكعين بينا هي طاب هي طيب ولكن السؤال الي يطرح الان .. زين اذا الارهابيين الحقيقيين بالسجون مال الحكومة الموقرة وليس اولاد الخايبة لعد منو ديسوي هاي الانفجارات الاسبوعية الدامية الاحد الدامي والثلاثاء والخ.. ومنو صاحب الكاتم والقتل ومنو ديسرق البلد ويهرب امواله ويستثمر بالخارج ومنو ديغتصب ويخطف الفتيات الأطفال ويقتلهم ؟

بعض الناس يكولون هذا الجني الازرق الخفي لين الله يدزة على كل واحد يسوي وكاحة واحنا والله كاعدين عقال وما مسيون شي ربي ليش ..
بس اكو ناس يكولون هذولة هومه السياسيين يسوه طلايب من يختلفوا وتطيح براسنا.... بوري .. معقولة... احنا الي انتخبناهم... وضحينا..علمودهم .. وبكل ثقة صوتنه الهم .. وجعنا لكي يشبعون ومن فقرنا يغتنون ومن جلدنا يلبسون .. هجي يسون بينا يعني السياسيين امطلعين قانون 4 ارهاب يطبقوه بس براسنا احنا الفقراء وجماعة 4 ارهاب الصدق... خارج السجون ويفرفرون ويمرحون ويضحكون بكيفهم بالشوارع واحنا الشعب المطفي وطابك على صفحة ..امكيفين صار عدنا ديمقراطية حقيقية بعد الدكتاتورية الصدامية الي خلصتنا منها امريكا .. و صار عدنا رئاسات ثلاث.. طلبانية نجيفية مالكية فسيفسائية مكوكية خالدية ابدية وبمناصب تشريعية وقضائية وتنفيذية يعني نظام امرتب مثل باقي الدول المتحضرة.. بس اشو الفعل مال الرئاسات الثلاث طلع بالمقلوبية
الشعب أنظلم بقانونهم 4 إرهاب وكباب وماكو وراهم لا بنى ولا منى ولا هدى
يعني احنا لمنخبين اقحاب ثلاث بدل رئاسات ثلاث
جان هم ميسون الي سووه الجماعة الثلاث
لين القحبة متغش احد... تاخذ وتعطي بضمير..
واهم شي ماعدها زومبي يخوف
مثل زومبي الثلاث

#علي_احمد_محمود (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات