أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - مواضيع وابحاث سياسية - عبد الرضا حمد جاسم - من حجايات كَبل/فائض القيمة















المزيد.....

من حجايات كَبل/فائض القيمة


عبد الرضا حمد جاسم

الحوار المتمدن-العدد: 3825 - 2012 / 8 / 20 - 18:38
المحور: مواضيع وابحاث سياسية
    


في موضوعه المعنون(لم يفهموا كارل ماركس في يوم من الايام)المنشور في07/08/2012 الرابط
http://www.ahewar.org/debat/show.art.asp?aid=318967
يقول يعقوب:
(من لم يفهم حتى هذا اليوم ما هي نظرية كارل ماركس في فائض القيمة فإن كل كتاب العالم لا يمكنهم أن يشرحوا له ذلك. هذه صفقة خاسرة منذ البد)انتهى الاقتباس)انتهى الاقتباس
((ملاحظة:سنعود لمناقشة يعقوب حول موضوعه اعلاه بشكل مفصل في موضوع لاحق))

فائض القيمة في الريف
(الموضوع تغلب عليه اللهجة العامية العراقية لنُقَّرِبْ فائض القيمة الى يعقوب فلربما يشمله ما قاله في النص المقتبس من موضوعه اعلاه....).
في صيف عام1970 المكان/في مدينة الناصرية/جنوب العراق
التقينا وقال اكْبَرُنا :اين يكون اللقاء هذا الاسبوع(لقاء سياسي) قال احدنا وهو ابن ناطور بستان (هل اسبوع يمنه بالبستان) فرحنا
واكمل لكن كلمن يجيب اليريده ...لان وراها نتونس بالبستان ونكضي مغربيه حلوه...عرفنا المقصود ورتبنا امورنا... هذه الامورهي من باب التغطيه وهي من باب الونسه
تقاطرنا في الساعه والدقيقة ورتبنا الجلسة وبدء اكبرنا بالكلام.... ونحن نضع امامنا ما جلبناه من ( شراب و مقبلات وكان البعض مبتداء والبعض ممارس والبعض لم يجرب بعد).
تكلم اكبر الحضور وتكلم الاخرين وضحك الجميع ...و مضى وقت ليس بالقليل...ونحن هكذا بين متكلم وضاحك و متململ ظهر احد الاشخاص... استغرابنا ذلك قال ابن الناطور هذا صاعود نخل يكَص التمر لان هذا وكت الكَصاص وهو عِرِف لا تخافون...أمان... وصل يمنه...سلم علينا وهو يهم بصعود نخلة قريبة (كل المكان ظل والنخيل متقارب وربما متشابك من الاعلى)...
فقال اكبرنا هذا مثال واشار الى صاعود النخيل المُتْعَبْ المُنْهَكْ... واستمر بالشرح الذي تبين انه جلب انتباه الرجل
عندما قص العثوق والقى بها ونزل...اعاد علينا السلام واستأذن بالجلوس ليستريح ويشرب (مجعة ماي)بعض الماء الذي راه مثلجاً....وقال بالعافيه عليكم...مبين مرتاحين
لم يُحرجنا ولم نُحرجهُ وكان قبل ذلك قد شرح لنا ابن ناطور البستان عن عمل الرجل بعد ان ارتبنا لوجوده الذي فاجئنا... وانه يعمل عند (حجي فلان)أي من اشترى التمر وهو في النخيل وهو والاخرين يقطعونه له ومن ثم ينقلوه الى المكان المحدد(خان)
قال الرجل عمي جبتوا طاريي بالحجي(الكلام) مالكم ...وأشْرتَوْا(اشاره) عَليَّ شني السِبَبْ...اكو شي بويه...خو ماكو شيء ان شاءلله...يرحم اهلكم
قال اكبر الحضور لا خويه ماكوشي جنه نحجي على العمال والفلاحين وجبناك مَثَلْ لسالفتنه وسولف ألنه صاحبنه(بالاشاره الى اسم ابن الناطور)عن تعبكم والحجي(الحاج) ابو العلوه متعبكم هواية...
قال: عمي هاي هيه الدنية تريد أمْعارَكْ... والعيشة صعبه ...
قال اكبرنا مخاطباً الرجل (زين الحجي يربح اهواية...يعني اموره زينه...من هالشغله)
قال الرجل: ماشا الله... الله فاتحهه عليه ...الله رازقه ...ما شاء الله سيارته حدر يعبه... وبيتين عنده ...كل مره ابيت (يعني له زوجتين) وعَّرَسْ البناته... وكل وحده عده بيت او ولده ما شاء الله عليهم كل واحد ابيت... الجبير سواله محل يبيع بيه تمر ودبس أو رهش جمله و مفرد والثاني سواله معمل مال خل والثالث وياه بالعلوه...هو اليحاسبنه(يعني محاسب)
قال اكبرنا: الله يساعد الحجي يتعب هواية... هي الدنية هيج
جاوب الرجل: عمي شيتعب لا يتعب و لا يروح و لا يجي كاعد حدر المروحة وجيب جاي او جيب حامض والماي البارد يمه و متونس واحنه نلهط ونرد ليوَرَهَ
قال اكبرنا :زين شيسوي الحجي بالتمر حته هلكَد يربح؟
اجاب الرجل: احنه انعزله وانظفه ونسوي الدبس ونجبس التمر بكواصر لو تنكات واننظدهه زين والدبس الزايد انعبيه بشياش وانظف المُكانْ و نْحَّمِلْ السيارات مال المشتريه...وهاي من اوذان الصبح لمن ايصيح الله واكبر للعشه.
والله فتحها عليه ....النوبه هسه الاكراد يجون عليه ما يخلون شي ...يكَول الحجي يودونه لتركيا يشيلون التمر والدبس كله.يكنسون العلوه كنس
ومنا وهيج يكَول راح اوديه للكْويت...اجوه معاميل مناك مريشين.
والبارح يكَلي الحجي ...تعرف ليش الجماعه يدورون علزاهدي...الكراد...لن يسون منه عركَ...هذا اليشربوه السكاره.
كَتله حجي هذا حرام ...الله يكَلبهه بيهم...نعمت الله يسونهه عركَ...جا كَول راح تنكَلب...الوادم ما لاكيه تاكل و ذوله يسونه عركَ...ذوله همه واهلهم بنار جهنم
يكول:كَال الحجي هاي خوش شغله بيه فلوس حلوه...شتكَول لو اسوي معمل مال عركَ...كتله حجي ...انت مُومِنْ و من اهل الله وتصوم وتصلي ورحت للزياره مره مرتين ورحت المكه مرتين ...هاي موخوش شغله...يكَول كَلي لا مو انه الاسويه انه بس اوديلهم الزاهدي ويطوني حصتي.
ضحكنا واثار انتباهنا تفكير الحجي ابو العلوه.
قال اكبرنا مخاطب الرجل: وانتم اكيد اموركم زينه و مرتاحين...
قال الرجل: عمي مستوره جنه كَبل بس نكَص التمر... بس الحجي الله يطول عمره ويعلي سعوده ويرزقه فوكه هلرزق ...كَال النه ليش ما تشتغلون وياي دوم... كيفنه يعمي جنه وره الكَصاص نكَعد جم يوم بلايه شغل... ومرات نطلع للعماله ...ومرات نفلح عد فلان وفلان... و مرات ندّور بالعلاوي حماله تنزيل هليصح ...بس هسه احسن هوايه من كبل...الحمدولله والشكر...مستوره والعيشه دارجه.
فقال اكبرنا للرجل: يعني الحجي مريش واموره زينه...
اجاب الرجل: كِلِشْ زينه... الله رازقه... او ماشالله عليه...والله يزَّيدهه عليه انشالله
فقال اكبرنا: مخاطب البقيه هذا(فائض القيمة) الحجينه عليه قبل اشويه...
وقال للرجل:خويه اسمعني زين ...كَاله اسمعك استاد كَول ...كَاله هذا ايسمونه فائض القيمة
اجاب الرجل: أي والله عمي فايضه فيوض عليه ...الله مبارك بيه...(يقصد الحجي) ...
ضحكنا وضحك الرجل وشرح له كبيرنا المعنى فاستغرب الرجل... وهو بين مصدك وبين خايف لا نسويله مشكله وابن اناطور صديق الحجي كَاعد... يعني لا يكَدر يحجي اعله الحجي ولا يكَدر يفهم شنو فائض القيمة.
فشرح له ابن الناطور ليطمئنه قائلاً...خويه يعني انت تلهط النهار كله والحجي(الحاج) اله الصافي...انت عله اكل بطنك والحجي يلفلف ويْصّمُتْ الالاف
افتهم الرجل معنى فائض القيمة وقال...لا عاب حلك عمي ...حجيت الصدكَ...بس عمي يخليلك الحجي ابوك لا تطلع الحجاية من حلكَك...انه على باب الله...فطمأنه صاحبنا.
قبل ان يهم بالنهوض عاجله اكبر الحضور قائلاً له (شلون بده الحجي بالشغل)
اجاب الرجل: عمي حظوظ... جان كَاصوص مثلنه... وابو مرته جان يشتغل ها لشغله عنده علوه تمر و من مات هو استلمهه بمكانه لأن بس هلبنية عنده...وهسه هو الكل بالكلية...
ما يطي لبو البستان فلس أَحَمَرْ... عود من يبع التمر والدبس يسدد احساب التمرات...واحنه رُواتْبنه نص او نص ...
بس الحجي(الكلام) لله مرات يطينه اكراميه بالعيد لو برمضان ومرات يطينه شويه دبس اليظل زايد ...شويه حشفات...
بس الله يرزقه عمي... واحد يحجيها لله كل عيد يكص النه هدوم(دشداشه و يشتريلنه كل واحد انعال)والله ينطيه و يفرحه بصحته او بولاده(اولاده)... لو واحد منه طاح ماهوطيب(مريض) ما يكَطع بيه يساعده...او ما يقصر اوياه او وي عياله.
نهض الرجل وهو مرتاح و مبهور مما سمع...وردد اكبر الحضور هذا مثال بسيط عله فائض القيمة...منين يربح هذا الحجي(الحاج)...ومنين هالسيارات والبيوت والعز والجاه وهو لا يشتغل و لا يتعب.
نب واحد من عدنه جديد علشغله وكَال لكبيرنا(استاد)لأن كبيرنا معلم...هذا فائض القيمة الخابصينه بيه...عمي هذا معروف كَبل ما يطلع ماركس من (كس)امه....و من جان محمد يشتغل عد خديجه ...جانن النسوان يحوجن الصوف وينظفن الجلد ويكصن الوبر وخديجه تودي محمد برحلة الشتاء والصيف يبع اله وهي كَاعده متكركحه وتسوي حفلات وحكَها الصافي
استاد فايض القيم هذا مال الشوعيه ...جا عمي انه شوعي وانه ابطن امي لأن الزاير ابوي يلهط احماله من الصبح لليل وما يدبر عيشتنه والقنطرجي حكه الصافي يجي بصايته وعبايته ويكَعد بالكَهوه ويحط رجل عله رجل والحماميل ابهاتهم محتركَه يْصَّعْدونْ ويْنَّزْلونْ...عمي تره اذا هيج الشوعيه جا كل الفقره شوعيه من كَبل ما يتسجلون بالنفوس.
هذا فائض القيمة...بشكل بسيط....صح لو غلط ما ادري الحجي عند يعقوب(هو استاد فائض القيمة).
والى سالفه اخرى...عن يعكَوب
هذه الحكاية بللهجه الدارجة العراقية التي ربما يفهمها يعقوب واذا لم يتمكن منها... نتمنه فد واحد يتبرع و يفهمهياه بلكن تدخل دماغه
لا اقول كل حَّجايَّةْ (من يحكون العامية) العامية لم يتمكنوا من شرحها له بل اقول اكيد هناك بلشلة واحد يترجهه اله.
ان كان هناك خطاء او تجاوز على قانون فائض القيمة انا لست مسؤول عنه... المسؤولية تقع على عاتق اكبرنا سناً وقتذاك...وان كان هناك خطاء بالترجمة ارجو الرجوع الى المترجم البارع يعقوب ابراهامي
ونختم كما كان يبدء يعقوب في البرنامج الذي(سمعنا انه) كان يقدمه من اذاعة اسرائيل كل يوم ثلاثاء مساءً(حديث ابن الرافدين) حيث كان يقول :يا حضرات المستمعين مساكم الله بالخير.
(الفقرة الأخيرة أي البرنامج الاذاعي الموجه الى العراق من اذاعة اسرائيل ... سابقاً)
(ملاحظه مهمه :المسؤوله عن هذه الحكاية... حكاية البرنامج ((حديث ابن الرافدين))العصفورة التي اخبرتنا بها)نعتذر اذا لم تكن دقيقة.
الى اللقاء في حديث جديد عن يعقوب.
و نختم بقول يعقوب الذي ابتدئنا به:
(من لم يفهم حتى هذا اليوم ما هي نظرية كارل ماركس في فائض القيمة فإن كل كتاب العالم لا يمكنهم أن يشرحوا له ذلك. هذه صفقة خاسرة منذ البد)انتهى
هل فهمت يا يعقوب الان...بعد شنسوي... اكثر من هذا ما نكَدر.
انظروا يعقوب فيما كتب عن فائض القيمه: واليكم مثال
في موضوعه المعنون فائض القيمة كمثال 31/03/2012
الرابط
http://www.ahewar.org/debat/show.art.asp?aid=301481
يقول يعقوب التالي
لم يخطر ببال أحدٍ من المتحاورين (عدا أفراد "الشلة" طبعاً) أن يفصل بين فهم النظرية كما صاغها كارل ماركس وبين الدفاع عنها أو نقدها. لم يخطر ببال أحد (عدا كما قلنا أفراد "الشلة") أنه لكي ندافع عن النظرية، أو ننقدها، يجب أولاً أن نفهمها.
ملاحظة:الى اللقاء في موضوع اخر بنفس الاتجاه أي مع يعقوب



#عبد_الرضا_حمد_جاسم (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- الى/علي فهد و مثنى حميد
- و يستمر مع يعقوب النقاش/النكبة/2والاخير
- و يستمر مع يعقوب النقاش/-النكبه-/الجزء الاول
- يعقوب ابراهامي والصهيونية
- اعادة/رسالة ثانية الى الاخ بشار الاسد
- 14 تموز الفرنسي
- صعود الجبل
- الى الاستاذ نعيم ايليا
- على ضفاف البحيرة
- فوق السحاب
- مرة اخرى مع يعقوب
- يعقوب وحسني والحوار
- عُمُرْ و عِبَر/الجزء الثاني
- عُمُرْ أو عِبَرْ/الجزء الاول
- الحقيقة/الجزء الثاني
- دمعة وابتسامة عيد الميلاد
- صالات
- مناقشة بيان الشله
- فائض الحماقه ويعقوب
- الى من يهمهم الامر


المزيد.....




- مسجد باريس الكبير يدعو مسلمي فرنسا لـ-إحاطة أسرة التعليم بدع ...
- جيف ياس مانح أمريكي يضع ثروته في خدمة ترامب ونتانياهو
- وثيقة لحزب الليكود حول إنجازات حماس
- رئيس الموساد: هناك فرصة لصفقة تبادل وعلينا إبداء مرونة أكبر ...
- لقطات جوية توثق ازدحام ميناء بالتيمور الأمريكي بالسفن بعد إغ ...
- فلسطينيو لبنان.. مخاوف من قصف المخيمات
- أردوغان: الضغط على إسرائيل لوقف حرب غزة
- محلات الشوكولاتة في بلجيكا تعرض تشكيلات احتفالية فاخرة لعيد ...
- زاخاروفا تسخر من تعليق كيربي المسيء بشأن الهجوم الإرهابي على ...
- عبد الملك الحوثي يحذر الولايات المتحدة وبريطانيا من التورط ف ...


المزيد.....

- 7 تشرين الأول وحرب الإبادة الصهيونية على مستعمًرة قطاع غزة / زهير الصباغ
- العراق وإيران: من العصر الإخميني إلى العصر الخميني / حميد الكفائي
- جريدة طريق الثورة، العدد 72، سبتمبر-أكتوبر 2022 / حزب الكادحين
- جريدة طريق الثورة، العدد 73، أفريل-ماي 2023 / حزب الكادحين
- جريدة طريق الثورة، العدد 74، جوان-جويلية 2023 / حزب الكادحين
- جريدة طريق الثورة، العدد 75، أوت-سبتمبر 2023 / حزب الكادحين
- جريدة طريق الثورة، العدد 76، أكتوبر-نوفمبر 2023 / حزب الكادحين
- قصة اهل الكهف بين مصدرها الاصلي والقرآن والسردية الاسلامية / جدو جبريل
- شئ ما عن ألأخلاق / علي عبد الواحد محمد
- تحرير المرأة من منظور علم الثورة البروليتاريّة العالميّة : ا ... / شادي الشماوي


المزيد.....
الصفحة الرئيسية - مواضيع وابحاث سياسية - عبد الرضا حمد جاسم - من حجايات كَبل/فائض القيمة