لؤي عجيب
الحوار المتمدن-العدد: 3814 - 2012 / 8 / 9 - 09:55
المحور:
الادب والفن
- دخيل عينك يا معلم .. بدي مية كيلو كرامة .. وربع وقية إنسانية ...
- أوف .. أوف .. أوف .. شوهاد .. ليش رح تشتري مية كيلو كرامة وبس ربع وقية إنسانية ..
- ما على أساس أنت خريج اقتصاد وبتفهم بالسوق ...
- ايه صحيح ... بس شو دخل هاد الحكي بطلباتك من الدكنجي ... ؟؟
- حسب حكيك يا صديقي يلي صرعتنا فيه ... الماده يلي بتكتر بالسوق بترخص ويلي بتقل بتغلى ...
- تمام هاد الحكي ... بس شو خص طلباتك بالسوق ... ؟؟
- يا صديقي .. الكرامة صارت بالأرض ما عاد حدا عم يلمها ... لهيك رخصت وصارت بتراب المصاري .. بس الإنسانية انفقدت من السوق .. وصارت عمله نادرة وأغلى من الدهب ...
- طيب .. شو رح تعمل بالمية كيلو كرامة ..؟؟
- رح وزعهم بمعرفتي على الفقراء والمحتاجين ..
- وربع وقية الإنسانية .. شو رح تعمل فيه ..؟؟
- رح اعطيها لأبني ... ما بتعرف ممكن تكبر معاه .. وما عاد تنفقد بالجيل الطالع ...
#لؤي_عجيب (هاشتاغ)
كيف تدعم-ين الحوار المتمدن واليسار والعلمانية
على الانترنت؟