عبدالله صقر
الحوار المتمدن-العدد: 3801 - 2012 / 7 / 27 - 19:39
المحور:
الادب والفن
فى حينا واحد فران
الراجل كان طمعان
إنه يدخل البرلمان
قلت له ها تعمل أيه
لما تنجح وتدخل البرلمان
قالى ها أرخص اللحمة
وكمان الباذنجان
وها أعمل اللى ما عملوش حد
والله أنا بتكلم بجد
أصل نفسى أترك عمايل الخبز
وأقعد على مكتب
وموظفين جنبى يكتبوا قراراتى
عماله تكتب وتكتب
لآنى ما بعرفش أكتب
نفسى أتجوز كمان حرمتين
وأركب سيارة بتور ببنزين
وألف أنا وحريمى شمال ويمين
ونزور أوربا وكمان نعدى على فلسطين
نفسى أرطب الطيارة
بدل ركوب الحمارة
وأمشى وجنبى حراسة مشددة
ورجلى على الكرسى ممددة
نفسى ياناس أدخل البرلمان
عشان أشفى كل واحد عيان
والناس تصفق لى فى الميدان
نفسى أدخل البرلمان
عشان أبقى من الآعيان
#عبدالله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟