حيدر الحيدر
الحوار المتمدن-العدد: 3755 - 2012 / 6 / 11 - 01:55
المحور:
الادب والفن
مختارات من دفتري القديم( حوار الأحبة )
ــــــــــــــــــــــ
هوَّ :
تعذيب وملامه ييزي يكفي
سلك شايك بگلبي لا تلفي
شتل حبج يحلوه لا تعُوفي
وَهَج حُبنه يشعشع لا تِطَفّي
هيَّ :
يلايم ماغِمضت الليل طَرفي
أساهر بإنتظارك وأنت تِغفي
أنتَ نهر حُبي وأنتَ جُرفي
آنه الدوم أوافي يمته توفي
هوَّ :
يللي تسأليني اشلون اُوفي
آنه ويا الوفه مگطعت عِرفي
چلمات الوفه تنتشي بحرفي
تنبض بالگلب لوردت أغفي
هيَّ :
يغافي نام وإحلم حَدِر زلفي
لا تبعد وِصالك وأنتَ ولفي
تعال و خَلْ حضن چفك بچفي
تعذيب وملامه ييزي يكفي
ـــــــــــــــــــــــــــــــــــــــــ
حيدر الحيدر
5 /6 /1971
#حيدر_الحيدر (هاشتاغ)
كيف تدعم-ين الحوار المتمدن واليسار والعلمانية
على الانترنت؟