جمال الشرقاوى
الحوار المتمدن-العدد: 3740 - 2012 / 5 / 27 - 05:58
المحور:
الادب والفن
الشمس ف عيونِك حقيقي
ننِّ أخضر فيه حريقي
و لا دنيا ماشي فيها
فيها عمري و فيها شوقي
إإمريني أعيش ف لهيبك
بلاش تخلي دموعي نصيبك
إوعِي يوم يخطر ف بالِك
إن طريقك غير طريقي
الشمس ف عيونِك حقيقي
ننِّ أخضر فيه حريقي
م تقولي آخر كلمتِك
عن حُبِّي يا شمس النهار
دة الحب دا مش لعبتِك
م الحزن جَيِّ معاه مرار
يا نور عيوني بقىَ ابتدِي
نار و لا جنة حدِّدِي
لو نار يا ريت م تجدِّدِي
قلبي شهيد جوة عنيكي
الشمس ف عيونِك حقيقي
ننِّ أخضر فيه حريقي
إوعِي يوم يخطر ف بالِك
إن طريقك غير طريقي
كل شيء فيَّه يناديكي
بكل شوق بنده عليكي
غيران و حتىَ نبض قلبي
يحرَم عليه غير نار هواكي
نار غرامِك سلام عليَّه
دنيا مفيهاش ملامة ليَّه
ليل جميل من غير أسيَّه
و روحي قلب فوق إيديكي
الشمس ف عيونِك حقيقي
ننِّ أخضر فيه حريقي
إوعِي يوم يخطر ف بالِك
إن طريِقك غير طريقي
#جمال_الشرقاوى (هاشتاغ)
كيف تدعم-ين الحوار المتمدن واليسار والعلمانية
على الانترنت؟