يا جماعة أعقلوا

عبدالله صقر

الحوار المتمدن-العدد: 3719 - 2012 / 5 / 6 - 15:40
المحور: الادب والفن
    

فى يوم من الآيام

زادت علينا الآمال

وكبرت علينا الآحلام

زادت معاها الآلام

مرة واحد توحدت كلمتنا

وأتوحدت غايتنا

وجرينا على الميدان

كانت كلمتنا واحدة

وبصوت عالى قلنا لازم

نزيل الطغيان

الله على منظرنا وإحنا

متمسكين يصوت الحق

مع صوت الكنايس والآذان

حلم كبير فى التغيير

من أجله مات مننا كثير

كام شهيد فى التحرير

ما كنش فيه حد بينا بيبحث

عن غنائم

الكل كان صاحى ما كنش

فيه حد نايم

عشان الهدف كان واحد

وهو التغيير

كان حلمنا فى التحرير

وبعد كام شهر من نجاح

ثورتنا

ظهر لينا اللى طمعان

وعاوز يفرق وحدتنا

فى القلوب حاجات خفية

بتشتيت كلمتنا

واللى طمعان فى

الكرسى أبو فانوس

اللى بيغير النفوس

واللى عاوز يحارب الجيش

ويقلد الهكسوس

طب البشر هم البشر

والضماير هى نفس الضماير

ولكن للأسف الأهداف أتغيرت

والنفوس أتحيرت

طول عمرنا نقول الجيش

والشعب أيد واحدة

وكلنا فى الوطن من

أم واحدة

وده الجيش اللى حمى الثورة

ليه عاوزين ثورتنا تبقى عورة ؟ !

#عبدالله_صقر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات