جمال الشرقاوى
الحوار المتمدن-العدد: 3708 - 2012 / 4 / 25 - 18:22
المحور:
الادب والفن
علمني الجرح يا قلبي
م احلمش كدة على طول
من بعد م ضعت يا عمري
علمني اسكت و لا اقول
علشان ف أيِّ طريق
دايما يجرحني صديق
و القلب جريح مشغول
علمني الجرح يا قلبي
م احلمش كدة على طول
علمني أعيش اليوم
خلاني م اشلش هموم
ورَّاني الأفراح ساعة
طويلة يا ريتها تدوم
خلاك يا قلبي تطير
خلاك م تكونش أسير
في أي كلام معسول
علمني الجرح يا قلبي
م احلمش كدة على طول
علمني جرحي الدنيا
مليانة كتير أحزان
م بين حبيب مهاجر
و حبيب ملوش أمان
خليك يا قلبي ف دار
عيش و لا تحتار
و اصبر ف يوم هتنول
علمني الجرح يا قلبي
م احلمش كدة على طول
#جمال_الشرقاوى (هاشتاغ)
كيف تدعم-ين الحوار المتمدن واليسار والعلمانية
على الانترنت؟