عبدالله صقر
الحوار المتمدن-العدد: 3652 - 2012 / 2 / 28 - 16:32
المحور:
الادب والفن
أفرش حكاوى الليل
لما المحبين تتكلم
يرقص غصن أخضر
على فرع شجر يتبسم
وعلى جناح عصفور
مجروح بيتألم
وطفل يحبو ولسه
للكلام بيتعلم
أفرد قلوعى للحكاوى
على الآحبة وهى بتسلم
قلبى يخفق جوه
ضلوعى وللحزن بيلملم
................
أنا غصن عريان من الورق
ومن برد الشتا سقعان
وبيعانى من الآرق
طول عمرى شفيان
يوماتى جسدى النحيل
غرقان عرق
لا شفت راحة وطول
عمرى عودى من
التعب بينحرق
يا ناس أمتى فرحتى
يجيها يوم وما تنسرق !!
بحلم يكون لى دار فيها
زوجة حلوة ألبسها غوايش
من ذهب وكمان حلق
بحلم يكون لى عيال
بيجروا جنبى وسبحان
من صور وخلق
بحلم ببلدى يطلع عليها
النهار وتكون أجمل ما فى الكون
وعمرها ما تنسرق
#عبدالله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟