عبدالله صقر
الحوار المتمدن-العدد: 3645 - 2012 / 2 / 21 - 03:02
المحور:
الادب والفن
خالتى فاطمة قالت لى
...................
خالتى فاطمة قالت لى
البلد دى عاوزة رجالة
يكونوا شداد
يأخذوا بأيديها وبأيدين العباد
عشان ما تكنش تحت رحمة
حاكم ظالم ولا جلاد
البلد دى محتاجة لأيدين
طاهرة ما تلوثــتش
وما تكنش إيدين ناعمة
محتاجة لآيدين تكون خشنة
تحفر فى الصخر وتكون
أيادى صاحية موش نايمة
موش عاوزة رجالة فى الهموم عايمة
البلد دى يا إبن أختى طالبة ناس شغالة
وللتعب والشقا والصعاب حمالة
عاوزة ناس تخرجنا من الآزمات
تفكر فى مستقبل البلد من غير خلافات
ويكون جل همها أحترام الذات
مصر يا أبن أختى طول عمرها
كانت عايشة فى أزمات
لكن شعبها وقت الشدة
بينسى كل المشكلات
ويبنى ويعمر وينسى الخلافات
وما تنساش إنها مليانة كيانات
مصر ياإبنى طول عمرها
واقفة على رجليها زى الآهرامات
#عبدالله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟