حيدر الحيدر
الحوار المتمدن-العدد: 3627 - 2012 / 2 / 3 - 01:48
المحور:
كتابات ساخرة
شكو ماكو ؟ *
ــــــــــــــــــــ
شكو ماكو شُنو لَيـش
إحنه مانحچي شَش بَيش
***
إسـأل ولا تسأل بعـدْ
إگعـد ولا تگعـد أبـدْ
يوم السـبت يعني الأحدْ
والجمعه عدنـه أفيـشْ
***
شَكو ماكو كُـلشي أكـوْ
اليحچي حلگـو نفركـوْ
يلله ياربعـي إتأمركـوْ
مَحله الرعونه والطيـشْ
***
بنص الشتـه أعبر نهـرْ
مامش أحـد مثلـي عبـرْ
هـيا معي خوضواالبحـرْ
لا تسبحوا عنـد الكيـشْ
***
هـلا بيـك گولـوا هـلهْ
آني سبـب كل مشكـلـهْ
صواريخ عنـدي مكبسلهْ
وأفــرار آني من الجيشْ
***
هه هه هه هه هه هه
عَجَـل آني صدام حسين
ــــــــــــــــــ
حيدر الحيدر
كانون الأول / 2003
ـــــــــــــــــــــــــــــــــــــــ
* عن لسان ( قائد الضرورة ) بإفتراض أن أحد افراد زمرته سأله :
شكو ماكو سيادة الريس ؟
#حيدر_الحيدر (هاشتاغ)
كيف تدعم-ين الحوار المتمدن واليسار والعلمانية
على الانترنت؟