جبتك يا عبد المعين الجنزورى تعيننى لقيتك يا عبد المعين بكيت

جاك عطالله

الحوار المتمدن-العدد: 3575 - 2011 / 12 / 13 - 09:15
المحور: العلمانية، الدين السياسي ونقد الفكر الديني
    

جبتك يا عبد المعين الجنزورى تعيننى لقيتك يا عبد المعين بكيت

بعد ثلاثة ايام فقط من حلف الدكتور الجنزورى رئيس وزارة الانقاذ الذى كلفه المجلس العسكرى الكارثى رغما عن ثوار التحرير ومعظم الشعب الذين ارادوا وزارة انقاذ حقيقية ومجلس رئاسى مدنى مؤقت يحل محل العسكريين الكارثة

ولناتى لتصريحات الجنزورى ولماذا بكى

http://www.youtube.com/watch?v=PYYlpkD66ts&feature=player_embedded

-----------------------------------------------

وايه بقى اللى بوظ الاقتصاد وخللا عبد المعين يعيط ؟؟

واذا ابتداها بعياط ليه ما سلمِش النمر وروح وريحنا من القرف ؟؟؟

واذا ابتداها بعياط ها ينهيها بصويت على المرحومة مصر ?? ولطم خدود وشيل نيلة على راسه وراسنا؟؟؟

واضح طبعا ان السياحة اللى بتشغل خمسة مليون مصرى غير اهاليهم - انضربت وهيه القاطرة التى شدت الاقتصاد خلال فترة السلب والنهب المنظم بتاعة العسكر الحرامية اللى مسكوا البلد من 1952

والسياحة انضربت ليه ؟؟ هل علشان الناس بتتظاهر فى التحرير؟؟

طبعا هايف اللى يقول كده لان السياحة انضربت لانعدام الامن ولاسباب تانية معروفة وليس لان مائة الف ولا مليون اتظاهروا بالتحرير طلبا لدولة مدنية تحترم القوانين وحقوق الشعب المصرى بالعيش بكرامة

والامن انعدم ليه؟؟

لان الجيش موش عاوز يجيب عزول ليه ينافسه بحكم البلد وهو اللى ذل الشرطة موش الشعب اللى كان بيطالب فقط باصلاحها وحيادها

وكلنا نعرف فيه صراع سابق بين الشرطة والديش و منافسات ضارة و فيه تار بايت من الجيش ضد الشرطة من ايام اشتباكاتهم المشهورة بين طلبة الكلية الحربية والامن المصرى ايام السادات ومبارك و سبب هام غيرة الجيش المرة من الشرطة بعد ما ركب حسنى مبارك حبيب العادلى على قفا الجيش وقفا الشعب كله واداله ميزانية مفتوحة لتجييش الامن و حيونته اى جعله حيوانات متوحشة متعطشة لدماء المصريين واهانتهم وسلبهم كرامتهم وحياتهم

هناك سبب اخر لقتل السياحة هو استيراد السلفيين من تورا بورا بيد المجلس العسكرى الذى استورد عشرات الالاف منهم من كل المناطق الموبوءة بهم افغانستان والباكستان والسودان وغزة والسعودية وايران والخليج مع مسح سجلات جرائمهم و تمويلهم و السماح لهم بتكوين احزاب و الاشتراك بالانتخابات -

ولدى سبب رئيسى لالغاء الانتخابات الحالية المهزلة وهو ترشيح وفوز مجرمين بسجلات سوابق اجرامية وفوزهم بعضوية مجلس الشعب
بصراحة المجلس الجديد لازم يتسمى مجلس القتلة والارهابيين وقطاع الطرق

و نكته اليوم القضاء الادارى يسقط حق رامى لكح فى الترشيح لمجلس الشعب بينما يغمض عينه على مجرمين قتلة بسوابق قتل عمد و قطع طريق و ابتزاز واغتصاب قصر و سرقات مسلحة و عضوية عصابات ارهابية دينية لمجرد ان من قام بها مسلمين وضحاياها اقباط وسياح كفار

هؤلاء السلفيين افلسوا مصر بعشرات حوادث قتل السياح فى كل مناطق مصر ومئات حوادث حرق الكنائس وقتل الاقباط و خطف بناتنا القصر و عفا المشير بدلا من الله عما سلف لانهم حبايبه السلف الذين تعهدوا بتركه ينهب نص العزبة مقابل ان يترك لهم نهب وتخريب النصف الاخر لحساب ملك الجاز

بصراحة انا موش فاهم ما دخل ما دخل السلفيين او الاخوان با لاسلام او بالسياسة - اللى عاوز يديها دين مالوش دخل بالسياسة واللى عاوز يديها سياسة مالوش دخل بالدين - لكن نظام العط ده بيبهدل الدين ويبهدل السياسة -

عشنا وشفنا ناس بتتقدم لما تفصل بين الاتنين لصالح الاتنين وشفنا ان العك وصل الدول اللى بتخلط للحضيض والقاع -

انتوا ليه محجرين و عاوزين تلهطوا مصر و تخيبوها ازيد ماهى خيبانة ???

اتقوا الله دا البلد خربت من تصريحاتكو -هدم الاهرامات و تحجيب التماثيل الكفرية تمهيدا لهدمها ولمنع الخمور ومنع البكينى بالشواطىء وانشاء هيئة الامر بالمعروف للتفتيش على الضمائر وسياقة الشعب بالعصيان للمساجد

محدش منكو جاب سيرة مليون ساقطة بالشوارع ومليون طفل شوارع نتاج سياحة الاشقاء السعوديين والخليجيين -- اشمعنى البكينى فى الشواطىء ممنوع و البغاء بالشوارع مسموح وعلى قلبكو زى العسل؟؟ ولا لازم ((((( تعر..وا )))))))علشان الكفيل بيدفع مليارات من فلوس شعبه الجعان وفاتح بيوتكوا بالنجاسة ؟؟؟

اشحال بقى لما تتخانقوا وتتقعروا وتيجوا فى الهايفة وتتصدروا زى حكاية اختنا كاميليا -

لعيب موش عليكو العيب على الشايب اللى فتح لكو السكة تخربوها علشان يقعد على تلها الى ماشاء الله -

-

#جاك_عطالله (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات