-مصري كح- ..سيناريو محصلش!!

أسماء صباح

الحوار المتمدن-العدد: 3557 - 2011 / 11 / 25 - 12:04
المحور: كتابات ساخرة
    

إتنين مصريين "مصريين كح زي ما بنقول مش مصريين بس من بلاد اخرى ع رأي مراسل التلفزيون المصري" بيتكلموا في المترو، وانا بقا قعدت استرق السمع .
الاول : كل الناس في الميدان، كبير وصغير، ستات ورجالة، نايمين من بالليل هناك علشان الجمعة دي "حق الشهيد" يرجع، طب الزاي؟
الثاني: الشهيد عند ربنا، واللي قتلوه عند شارع محمد محمود، بيعملوا ايه؟ بيستنوا شهيد جديد، طب نجيب حق الشهيد الاولاني الاول وبعدها حق الشهيد التاني.
الاول: انا مش عارف الزاي يقدروا يقتلوا حد مصري، طب انت عارف يعني ايه "مصري": يعني متربي وسطنا، وله ام وأب زينا كدا، وممكن ليه اولاد ومتجوز ومراتو بتحبو، ومتعلم، يعني اهلو دافعين عليه من دم قلبهم لما بقى مهندس والا دكتور، أقول ايه بس، حسبنا الله ونعم الوكيل!
الثاني: لا والا اللي بينشنوا ع العيون، دول معندهمش رحمة، وخلي بالك ربنا مش هيسامحهم وقادر يحرمهم من نظر عيونهم وحتشوف!
الاول: متفكرنيش والنبي، انا كل ما افتكر الدكتور اللي طفوا نور عينو في 28 يناير والتانية طفوها في نوفمبر طيب دا كلام، مكفهمش عين وحدة؟
الثاني: نقول ايه بس، لا والا قال ايه الحاجة اللي تفرسك وتخليك عايز تولع في نفسك، انهم بيقولوا الانتخابات في موعدها، انتخابات ايه يا ولاد الكلب، هو دا وقتو، والاخوان لازقين بقا بالكرسي وهو ايه عايز يهرب يا راجل الزاي يقعدوا على كرسي مبلول بالدم؟؟ انا عايز حد يفهمني؟؟ خلاص حتجنن!!
الاول: ومن سمعك يا راجل، تصدق انا ببقا حشد في شعر مراتي لما بشوف الاخبار ع التلفزيون، وببقا حاقطع نفسي، وارمي العيال من الشباك، طب اعمل مانا مفروس!!
الثاني: انا من كتر ما انا مفروس قررت انزل التحرير وابيت هناك اسبوع، عند بقا!
الاول: خلاص انا جاي معاك استناني، الا انت ما قلتليش هو اسمك ايه!!
الثاني: تصدق ولا انت قلتلي، ع العموم مش مهم يا راجل مش انت مصري"مصري كح ومعاك رقم وطني"؟
الاول: اه
الثاني: خلاص مش مهم اسمك بقا، يلا بينا، محطة السادات أهي....

#أسماء_صباح (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات