وطنيات محمد عبد الوهاب

ديانا أحمد

الحوار المتمدن-العدد: 3553 - 2011 / 11 / 21 - 19:21
المحور: الادب والفن
    

وطنيات موسيقار الأجيال محمد عبد الوهاب (47 أغنية وطنية)

* الكرنك
* مصر نادتنا
* النيل نجاشى
* إجرى يا نيل
* نشيد الجهاد
* تحت القنابل
* يا بلادى
* نشيد القسم
* زود جيش أوطانك
* تحية العلم
* الروابى الخضر
* النهر الخالد
* نشيد الحرية
* إنده على الأحرار
* الصبر والأيمان
* ساعة الجد
* الجيل الصاعد
* دقت ساعة العمل
* حى على الفلاح
* سواعد من بلادى
* حرية أراضينا
* اليوم فتحت عينى
* يا مصر تم الهنا
* قولوا لمصر
* بطل الثورة
* السعد جالك
* ناصر
* يا جمال النور والحرية
* تسلم يا غالى
* يا نسمة الحرية
* دمشق
* فلسطين
* صوت الجماهير
* موسيقى هدية العيد
* والله وعرفنا الحب

* الله ثالثنا
* دعاء الشرق
* كل أخ عربى
* أغنية عربية
* نشيد الوادى
* الوطن الأكبر ( مجموعة الفنانين )
* الشهيد
* الوطن الأكبر ( عود )
* أصبح عندى الآن بندقية
* أيها السارى
* يا إلهى
* موسيقى النهر الخالد
* حب الوطن
* يا حبايب بالسلامة


يمكنكم تحميل الوطنيات مجمعة فى ملف رار واحد من هنا


http://www.megaupload.com/?d=40R5ROLV


أو من هنا


http://www.4shared.com/file/119134512/68ec5dba/___.html




****




الكرنك


شعر : أحمد فتحي ( 1942)


لحن وغناء : محمد عبد الوهاب







حُلُمٌ لاح لعين الساهر * وتهادى في خيالٍ عابر


وهفا بين سكون الخاطر * يصل الماضي بيُمن الحاضر


طاف بالدنيا شعاع من خيالى *حائر يسأل عن سر الليالى


يا له من سرها الباقي ويا لى * لوعة الشعر ووهم الشاعر

حين ألقى الليل للنور وشاحه * وشكا الطَّل إلى الرمل جراحه


يا ترى هل سمع الفجرُ نواحه * بين أنغــام النسيم العــاطر

صحت الدنيا على صبح رطيب * وهفا المعبد للَّحن الغريب


مرهفا ينساب من نبع الغيوب * ويناجيه بفن الساحر


ها هنا الوادي وكم من ملِكِ * صارع الدهر بظل الكرنك


وادعا يرقبُ مَسرى الفلك * وهو يستحيي جلال الغابر

أين يا أطــلال جُنــد الغــالب *أين آمون وصوت الراهب


وصلاة الشمس وهْمي طار بي*نشوة تُــزْري بكرْم العــاصر


أنا هيمان ويا طول هُيامي * صور الماضي ورائي وأمامي


هي دمعي وغنائي ومدامي * وهْي في حُلْمي جنـاح الطـائر


ذلك الطائر مخضوب الجناح * يُسعد الليل بآيات الصباح


ويغني في غُدُوٍّ ورواح * بين أغصان وورد ناضر


في ريـاض نضَّر الله ثراهــا * وسقى من كرم النيل رباها


ومشى الفجر إليها فطواها * بين أفــراح الضيــاء الغــامر




****



مصر نادتنا


كلمات : محمود حسن إسماعيل



مصر نادتنا فلبينا نداها ... و تسابقنا صفوفاً فى هواها


فإذا رام ٍ على الأرض رماها ... ترخص الأرواح و الدنيا فداها


و نروى بالدم الغالى ثراها ... و نصون الموت فى كل البقاع


نحن جند النصر أبطال الدفاع ... يوم يدعونا لنار الهول داع


حدثى يا شمس عن ماضى حمانا ... كم قهرنا فوق شطيه الزمان


و أبينا العيش ذلاً و هواناً ... من رآنا فليقل كيف رآنا


من رحيق الدم يُسقَى شهدانا ... فى هوى مصر تحيات الوداع


نحن جند النصر أبطال الدفاع ... يوم يدعونا لنار الهول داع


اجرى يا نيل عزيزاً فى الوجود ... و اروى للأيام تاريخ الجدود


و انهضى يا جنة الدنيا و سودى ... و أعيدى مجدك الماضى أعيدى


بأس أحرارك من بأس الحديد ... فاثبتى كالطود فى يوم الصراع


نحن جند النصر أبطال الدفاع ... يوم يدعونا لنار الهول داع


فاسعدى يا مصر إنا لا نبالى ... نُوَّب الدهر و أحداث الليالى


كل من رامك حتى فى الخيال ... سَيَّرَ النيل جحيماً فى الرمال


يفزع الدنيا بأهوال القتال ... و يغنى الشعب فى كل البقاع


نحن جند النصر أبطال الدفاع ... يوم يدعونا لنار الهول داع




****



النيل نجاشى


أحمد شوقى




النيل نجاشى حليوة أسمر * عجب للونه دهب و مرمر


أرغوله فى إيده * يسبح لسيده


حياة بلدنا * يا رب زيده


قالت غرامى فى فلوكة * و ساعة نزهة ع الميه


لمحت ع البعد حمامة * رايحة على الميه و جاية


وقفت أنادى الفلايكى * تعالى من فضلك خدنا


رد الفلايكى بصوت ملايكى * قال مرحبا بكم مرحبتين


دى ستنا و انت سيدنا


جات الفلوكة و الملاح * و نزلنا و ركبنا


حمامة بيضا بفرد جناح * تودينا و تجيبنا


و دارت الألحان و الراح * و سمعنا و شربنا


صلح لى قلوعك يا ريس


هيلا هوب هيلا




****



اجرى يا نيل


غناء: محمد عبد الوهاب


كلمات : حسين السيد





اجرى يا نيل ... و اسبق الأشواق و فيض بيها


لأجل الشعور الدهب .. اجرى يا نيل .. و ارويها و احكيها


و اوصفها بسحرك ألوان من لون السُمْر الفتان


و اسقيهم منها ألحان مين داقها يرجع عطشان


موجك الخمرى


له نغم يسرى


يا ما زال يضوى


كل مين زاره


ينكوى بناره


و من العيون السود


اجرى يا نيل و بص للدنيا بأحوالك


و ارسم لهم صورة تبقى لهم و تبقى لك


و الساقية ويَّا الأرغول


و الشاغل ويَّا المشغول


يتقابلوا و الليل مسدول


بالقمرة و السهرة تطول


و الموج الخمرى


نشوته تسرى


يا هنا الموعود


كل مين زاره


يلقى أسراره


فى العيون السود



http://www.youtube.com/watch?v=gWPgm_l7n7I




****



” نشيد الجهاد “




مأمون الشناوي ومحمد عبد الوهاب



هَتَفَ الدَّاعَي وَنَادَى بِالجِهَاد * أَيُّ بُشْرَى يَوْمَ نَادَى بِالنَّفِير


نحنُ شَعْبٌ حَكَمَ الدُّنْيَا وَسَاد * ونَمَا وَالدَّهْرُ في الْمَهْدِ صَغِير



كُلُّ مِصْرِيٍّ يُنَادِي * أَنَـا مِلْكٌ لِبِـلادِي


قَلْبي يَمِيني لِسَانِي * رُوحِي فِدَى أَوْطَانِي


كَانَ الجِهَادُ أَمَانِي * وَاليَوْمُ يَوْمُ الجِهَـاد



إِنْ بَدَا لِلنِّيـلِ يَوْمًـا خَطَرٌ * لاَنْدَفَعْنَا وَسَبَقْنَا الخَطَرَا


أَوْ مَشَى في شَاطِئَيْهِ مُعْتَدٍ * لَزَرَعْنَـا شَـاطِئَيْهِ شَرَرَا



كُلُّ مِصْرِيٍّ يُنَادِي * أَنَـا مِلْكٌ لِبِـلادِي


قَلْبي يَمِيني لِسَانِي * رُوحِي فِدَى أَوْطَانِي


كَانَ الجِهَادُ أَمَانِي * وَاليَوْمُ يَوْمُ الجِهَـاد



كَمْ تَبَاهَيْنَا بِمَجْدِ الأَوَّلِين * فَتَعَـالىَ قَدْرُنَـا في العَـالَمِين


لِمَ لا نَبْني بِأَيْدِينَـا العُـلا * لِمَ لا نُصْبِحُ فَخْرَ الأَقْدَمِين


كُلُّ مِصْرِيٍّ يُنَادِي * أَنَـا مِلْكٌ لِبِـلادِي


قَلْبي يَمِيني لِسَانِي * رُوحِي فِدَى أَوْطَانِي


كَانَ الجِهَادُ أَمَانِي * وَاليَوْمُ يَوْمُ الجِهَـاد






****





تحت القنابل


أحمد شفيق كامل




تحت القنابل و فوق البارود


و بين المدافع و بين السدود


أحارب عدوى و أقول للوجود


لمصر السيادة ، لمصر الخلود

نادينا و قلنا إحنا أمة سلام


و أمة محبة و أمة وئام


و لما فرضها علينا الطغاة


حفرنا قبورهم فى أرض القناة

نار عداوتهم معانا


عايشة للأجيال ورانا


من أولادنا إلى أحفادنا


يسير التار


عمر حياتنا علينا رخيص


و نموت أحرار




http://www.youtube.com/watch?v=b8vvBbkiiG0



****





يا بلادى


عباس أحمد





يا بلادى .. إحنا خلاص على وش نهار


نار الدم تطفى النار فى أرض التار


تتحول بكرة لأنهار و تبدد كل استعمار


مصر يا فخر الأوطان اسمك على كل لسان


يا بلادى .. يا بلادى .. يا بلادى .. يا بلادى

أبطال الأمة الأبرار .. قلعة كبيرة للأحرار


واقفة و صامدة فى خط النار


تحمى سلامنا من الأشرار

إحنا جهادنا جهاد أبطال


نوهب فيه الروح و المال


نوره هيفضل للأجيال


مجد و عزة و استقلال




****





نشيد القسم


محمود عبد الحى



أقسمت باسمك يا بلادي فاشهدي


أقسمت أن أحمي حماك وافتدي


وبنور حبك أستضيء لأهتدي


أقسمت باسمك يا بلادي يا بلادي


عاهدت نفسي أن أكد لتنعمي


وأخوض أخطار الحمام لتسلمي


فإذا حييتُ فإن ذكرك في فمي


وإذا قضيتُ فقد فديتك بالدم





****



زود جيش أوطانك


مأمون الشناوي، 1955




زود جيش أوطانك و اتبرع لسلاحه


علشاني وعلشانك بيضحي بأرواحه


زود جيش أوطانك


طول ما سلاحنا في إيدينا يحمي أرض بلادنا


لازم يرهبوا جيشنا أعادينا وحسادنا


زود جيش أوطانك


مين يقدر يعادينا والا يطمع فينا


طول ما الجيش حوالينا بسلاحه يحمينا


زود جيش أوطانك


كرامتنا وعزتنا أمجادنا وعروبتنا


تحميهم قوتنا وتصونهم نهضتنا


زود جيش أوطانك


عزيمتنا الجبارة تقويها الدبابة


وتحميها الطيارة وتبيد أي عصابة


زود جيش أوطانك




http://www.youtube.com/watch?v=v2aPHY5aLk0







****




تحية العلم


( أيها الخفاق )


أحمد رامي



أيها الخفاق فى مسرى الهوى * أنت رمز المجد عنوان الولاء


نفتدى بالروح ما ظللته * و نحيى فيك روح الشهداء


خضرة تبعث فى النفس الأمل * و هلال ليس يطويه الأجل


إن بدا نوره زاهياً فى السما * كان فى أوج المعالى علماً


أو هدى فى الدجى سارياً حائماً * جدد العزم و أحيى الهمما


أيها الخفاق فى مسرى الهوى * نحن من حوليك راع و أمين


أنت رمز المجد عنوان الولاء * دمت فى الآفاق وضاح الجبين






****




الروابى الخضر


أحمد خميس



يا ليالى الشرق هل عادتك أشواق الغناء


و الروابى الخضر تشدو و السنا حلو الرواء


و الأمان هتاف عزفته الضفتان


فجرى فى مقلة الأرض و فى قلب السماء


و جثا التاريخ يستروح أمجاد الغد


فوق وادى عطر التربة فياض السناء


فأفاقت مصر شطآناً و عشباً و نخيلاً


تنفض الظلمة عن فجر عزيز الكبرياء


دوحة الشرق رعاك الله ما دام وجود


و رعى شعباً عريق المجد موفور الإباء


و أقام العمر خفاقاً بواديك الحبيب


خالداً فى صفحة الأيام فى عمر البقاء


فانهلى يا مصر من إشراقة العهد الرغيد


و اسلمى يا مصر تفديك قلوب الأوفياء




http://www.youtube.com/watch?v=I7dyCCtedsk





****




النهر الخالد



و هى من قصيدة للشاعر محمود حسن إسماعيل بعنوان : النيل ....من ديوانه : أين المفر



مسافر زاده الخيال ____ و السحر و العطر و الظلال


ظمآن و الكأس فى يديه ____ و الحب و الفن و الجمال


شابت على أرضه الليالى ____ و ضيعت عمرها الجبال


و لم يزل يطلب الديار


و يسأل الليل و النهار


و الناس من حوله سكارى ____ هاموا على افقه الرحيب


اه على سرك الرهيب ____ و موجك التائه الغريب


يا نيل يا ساحر الغيوب


****


(متوج أنت فى الروابى ____ بلا عروش ولا قباب
كم راحت الشمس فى ضحاها ____ تعب من نورك المذاب
و أنجم الليل كم طواها ____ هواك فى خيمة العباب
و كم قوى إليك سارا
بموكب أيقظ الصحارى
رددت ركبانه حيارى ____ و انت فى مهدك الرطيب
اه على حلمك العجيب ____ و الموج نعسان فى المغيب
يا نيل يا ساحر الغيوب) ما بين القوسين لم يغنها عبد الوهاب


****


سمعت فى شطك الجميل ____ ما قالت الريح للنخيل


يسبح الطير أم يغنى ____ و يشرح الحب للخميل


و أغصن تلك أم صبايا ____ شربن من خمرة الأصيل


و زورق بالحنين ثارا


أم هذه فرحة العذارى ؟


تجرى و تجرى هواك نارا ____ حملت من سحرها نصيبى


و طفت حيران باللهيب ____ فلم تدعنى بلا حبيب


يا نيل يا ساحر الغيوب


****


يا واهب الخلد للزمان ____ يا ساقى الشعر و الأغانى


هات اسقنى. و اسقنى . و دعنى ____ أهيم كالطير فى الجنان


يا ليتنى موجة فاحكى ____ إلى لياليك ما شجانى


و اغتدى للرياح جارا


و احمل النور للحيارى


فإن كوانى الهوى و طار ____ كانت رياح الدجى طبيبى


****


آه على سرك الرهيب ____ و موجك التائه الغريب


يا نيل .. يا ساحر الغيوب ؛؛؛





****






نشيد الحرية


كامل الشناوى



كـنت في صــمــتك مـرغـم

كـنـت في حبــك مــكــره


فـتـكـلم و تألـم

و تـعلم كـيـف تـكــره



عرضك الغـالى على الظالم هان

ومضى العار إلـيه وإلـيك


أرضك الحرة غطاهـا الهوان

وطغى الظلم علـيها وعـليك

قدم الآجال قرباناً لـعـرضك

اجعل العمر سياجاً حول أرضك


غـضـبـة ً لـلعـرض للأرض لـنا

غضبةً تبـعـث فيـنا مجـدنا


وإذا مـا هـتـف الهــول بـنا

فليقـل كـل فتى . . إنى هنا



أنا يا مصر فتاك .. بدمى أحمـى حمـاك

ودمى ملء ثراك

أنـــا ومـــــض و بــــريــــق

أنا صخـر . . أنا جمــر


لفح أنــفـاسى حـريــق

ودمى نار وثأر

بـلـدى لا عــشـت إن لم أفــتــد

يومك الحـر بـيـومى وغـدى


نـازفــاً مــن دم أعـــدائــك

ما نـزفـوه مـن أبى أو ولـدى

آخــذاً حـريـتى مـن غـاصــبـيـها

سالبـيها وبـروحى أفتديها

هـات أذنـيـك معـى واسمـــع معـى

صيـحة اليقـظة تجتـاح الجموع


صـيــحــة ً شـدت ظـهـور الـركـع

و محت أصداؤها عـار الخـضوع

أنا يا مصر فتاك..بدمى أحمـى حمـاك

و دمى مــلء ثــــراك

أنت إن لم تتحرر بيدى يا بلدى !

فسـأمضى أتحرر من قيود الجسد

لا أبـالى الهــول بــل أعــشقـه

لا أبالـيـه وإن مـت صريعاً


إنه لـو لم يــكــن . . أخـلـقـه

لأرى فيـه ضحـايانا جمـيعاً

فى دمـاهــم أمـل النـيـل تـوحـد

فى دمـاهـم دم عـيسى و محـمد

أنا يا مـصـر فتاك .. بدمى أحمى حماك

ودمى مــلء ثـــراك

فاحـترم بالثـأر ذكـرى شهـدائـك

بذلوا أرواحهم بذل السخى


وانـتـقم ! إن هنـا أذكـى دمائك

وهنا أمى ، وأختى ، وأخى ! !

أنا يا مصر فتاك .. بدمى أحمـى حمـاك

ودمـى مـــلء ثـراك



http://www.youtube.com/watch?v=S4kPSVGw4DQ





****




إنده على الأحرار


عبد المنعم السباعى




لو فات عليك الأسى و الظلم فيك احتار


بين الصباح و المسا إنده على الأحرار


بيبيعوا أرواحهم فى عز أفراحهم


لعزة الأوطان



مهما يزيد الشجن ولا يطول الأنين


إضحك و قول للزمن : الدنيا دامت لمين ؟!


دى حكمة الله فى آية


لكل ظالم نهاية



تحير الأفكار


مهما يكون جبار


و الليل نهايته نهار



الحر لو طال شقاه

يصبر ما يتألم


لا عمره بيقول آه

و لا عمره بيسلم



إن طال عليك الليل غنى لأحبابه


أهل الشقا للويل ، و السعد لأصحابه




****




الصبر و الإيمان


حسين السيد



الصبر والإيمان ... دول جنة المظلوم


والظلم والحرمان ... ويلهم من المحروم


والحر فى الأوطان ... حاكم ولو محكوم


لو صام سنة عطشان ... عمر العطش ما يدوم


مهما العذاب ح يطول ... ح يفوت وغيره فات


أكرم نبى ورسول ... له فى العذاب آيات


جاروا عليه كفار ... عبدوا الحجر والنار


والنار لها جبار ... يسهر على الفجار


لا يفوت عليهم ليل ... ولا يحلموا بنهار .


يا سهرانين فى النور ... من كتر ما هو ضلام


شرف البرئ مستور ... مهما اتفضح وانضام


افتكرى يا جدران ... يا أوفى م الإنسان


صوتى مع الأدان ... ح يقول فى كل أوان


يا ظالم لك يوم ... مهما طال اليوم


يا ويلك يا ظالم يا ويلك



http://www.youtube.com/watch?v=U94zxV68JBk





****




ساعة الجد


حسين السيد







" أصوات المطارق و ارتطام الحديد "



ساعة الجد دقت يا عمال السد


آخِر باب للظلم إنهد .. و إحنا وراه ملايين تنعد


يحموا النيل .. و يقيموا السد


الوطن اتحرر .. و النصر كفاحه أكبر


عايز جهد أكتر


يبنى و يزرع و يعمر

مش قاصدين غير عون الله


و مفيش غيره هنترجاه


آدى دراعى و إنت معاه


يحموا النيل و يقيموا السد

طول ما إحنا حبايب


أنا و إنت نِسَوِّى عجايب


فى النار هنحارب


و النار تنحنى للغالب

شارع المجد طريقه بعيد


أرضه شوك مزروع فى حديد


عايز همة و عزم شديد


يحموا النيل و يقيموا السد

اليوم ده يومنا


له معنى كبير فى قلوبنا


علشانه جاهِدنا


و كتبنا تاريخنا بإيدنا

عزم إيدينا كان فى جبال


تحت الميه .. فى أرض قنال


لما نطقها و قالها جمال


جِبنا إيدينا .. يقيموا السد

الجبل العافِى .. هيزيحه إيديك و كتافى


بالعزم الوافى .. و بعَرَق القلب الدافى

أولاد عم عرب أحرار


يا أصحاب أرض فراعنة كبار


جيش النصر عايز ثوار


يحموا النيل و يقيموا السد




****




الجيل الصاعد




كلمات حسين السيد 1961





عاش الجيل الصاعد عاش


جيل من شعب مجاهد عاش


عاش يبني ويجاهد عاش بكفاحه الخالد


راجل واحد مبدأ واحد عاش جيل ثورتنا عاش






وردة:


عاش الجندي يوم ما حطم شوكة الاستعمار


كان عنوان النصر الثوري في كل بلد أحرار


وسمعناه بيقولها قوية باسم مبادئ أمة أبية


أنا خط هجوم ودفاع أنا رمز سلام وصراع


أفدي بالروح وأعيش في النصر بطل وشجاع


حيوا معايا قولوا معايا عاش الجندي العربي عاش




نجاة:


عاش الزارع يوم الشمس ما حست بيها عينيه


فرشت نورها وكبر الزرع وهو مداري عليه


وسمعناه بيقولها قوية أرض ولادي ورجعت ليا


حرمونا سنين وسنين وافتكروا الناس نايمين


وطلعنا عليهم يوم خلصنا حقوق ملايين


حيوا معايا قولوا معايا عاش فلاح الثورة عاش




عبد الحليم:


عاش الفن رسالة لأمة يبنيها الفنان


يروي حياتها بغنوة ، بكلمة ، بصورة ، بروح وإيمان


وسمعناه بيقولها قوية مجد بلادي عهد عليا


قلبي وروحي ملك لفني والاتنين لبلادي هدية


حيوا معايا قولوا معايا عاش الفن رسالة عاش






فايزة أحمد:


عاش العامل يوم ما فكر يبني لبلده دار


فيها مداخن طالع منها لهب النور والنار


وسمعناه بيقولها قوية ده إنتاجي وصنع ايديا


حققنا بعون الله للشعب دعاه ومناه


والخير زاد منا وفاض والفايض صدرناه


حيوا معايا قولوا معايا عاش عاش العامل عاش






شادية:


عاش الطالب يوم ما طلب العلم كتاب وسلاح


عرف العلم وسيلة تحقق غاية كل نجاح


وسمعناه بيقولها قوية في الإعدادي وفي الكلية


العلم سلاح جبار بيحول ليلنا نهار


يسعى للنور بالنور ويواجه النار بالنار


حيوا معايا قولوا معايا عاش الجيل الصاعد عاش






عبد الوهاب :


عاش الشعب العربي كله شعب سلام وأمان


عاش الوعي العربي كله ثورة في كل مكان


ثورة مارد للحرية هب ونادى للقومية


ردينا عليك يا جمال وإيدينا في إيديك يا جمال


وقلوبنا معاك يا جمال نبني وياك يا جمال


حيوا معايا قولوا معايا عاش عبد الناصر عاش






****




دقت ساعة العمل


حسين السيد





دقت ساعة العمل الثورى .. لكفاح الأحرار


تعلن زحف الوطن العربى .. فى طريقه الجبار


و الثوار هُمَّا الشعب .. و الأحرار هما الشعب


عارفين المشوار

هِىَّ إرادة شعب .. إتحرر يوم تلاتة و عشرين


طِلِع الفجر عليه .. كان عارف هُوَّا طريقه منين


راح للماضى بعزم جبابرة .. خـَلـَّى عبيد الأرض أسياد


ميت سنة و أكتر خُلصُوا فى عشرة .. لا رجعية و لا استعباد


من أول مشوار



و مِشِى الركب يواصل سيره .. يحارب الاستعمار


فى ألوان الذل و طارد شبحه فى كل جدار



طِلعوا علينا بعدوان فاشل .. قمنا نرد النار بالنار


ظهر الحق و رِجِع الباطل .. لا حرية مع استعمار


و ما كملشى المشوار



و فِضِل ماشى العربى الأسمر .. يعلن فجر جديد


اشتراكية و فردت نورها .. و يوم عن يوم بيزيد


عهد رسول الله الهادى .. نادَى بيها من أجيال


خَدنا العهد و قمنا .. بنعلن : لا انتهازية و لا استغلال


و مشينا المشوار



سبق الشعب كفاحه و زحفه .. و راح يبنى له مكان


بميثاق يحمى مصيره و مجده .. و حياته كإنسان


من ماضينا و من حاضرنا .. للمستقبل حققناه


للمجتمع الحر اللى إحنا .. إحنا الشعب اللى طلبناه


و هنمشى المشوار



لما نادى الشعب لبطله .. بطل الثورة جمال


لما مشينا نغنى " ناصر " .. و سبقنا الأجيال


كنا بنحمى مبادئ ستة .. عارفينها مشاويرها طوال


و اليوم و إحنا فى وسط السكة .. بنجدد عهدك يا جمال


لبقية المشوار






****



حى على الفلاح


عبد الوهاب محمد





طول ما أملى معايا معايا .. و فى إيديا سلاح


هافضل أجاهد و أمشى و أمشى من كفاح لكفاح


و طول ما إيديا فى إيدك أقوم و أهتف و أقول


حى حى على الفلاح



دارى .. دارى .. أنا أحميكى بإيمانى


طول ما دراعى معايا .. أبنى و أعلى بنيانى


هافضل عايش فيها .. بجهدى و أملى أبنيها


أنا روحى فداها .. و فدا أهلى و أوطانى



زاحف يا شعبى .. تِمحِى الماضى رياحك


عهدك جوه فى قلبى .. و البطولة جراحك


أيامنا اللى جاية .. و إرادتنا القوية


تنصرنا يا وطنى .. و يملا الدنيا صباحك



نمشى و نمشى .. و العزة تعيش ويانا


لأ .. إحنا ما نرجعشى و لا تتراجع خطانا


تهتف أراضينا لينا و النصر يناجينا


ياللا بينا ياللا و ربنا معانا




http://www.youtube.com/watch?v=yQS-69xojCA





****






سواعد من بلادى


الأخوان عاصى و منصور الرحبانى





سواعدٌ من بلادى .. تحقق المستحيلا


و همة ٌ من بلادى .. تبنى مصيراً و جيلا



موطنى أهواه .. لا هوىً إلا هو


ترخص الدنيا .. و يغدو طيباً ثراهُ

يا سَمَا بلادى و ثرى أجدادى


لستُ أرضى عنكما بديلا



يا بلادى ، سيرى للهدى و النور


نحمل الدنيا و نمضى للغد الكبير

سِرْ بنا يا شعب .. و انفتِح يا درب


ها قد بدأنا سيرنا الطويلا

أنا غادٍ غادِ حاملاً أمجادى


ما سِوَى البأسِ ِ و حقى فى الطريق زادى


تنمحى يا غيم و يزول الضيم


و بهاءُ الحق لن يزولا



http://www.youtube.com/watch?v=8D4YA8SAJHE





****




حرية أراضينا


صالح جودت



حرية أراضينا فوق كل الحريات


و حاضرنا و ماضينا فى كتاب المجد آيات


قول يا تاريخ و اشجينا و اترنم بالبطولات


قول للدنيا علينا ؛ دا إحنا و المجد إخوات


أيامنا بطولات .. ليالينا تضحيات


حرية أراضينا فوق كل الحريات



غنى لى يا ليالى ع الماضى اللى صنعناه


و تراب مصر الغالى و النيل اللى عشقناه


و عَلـَم مصر العالى و إحنا و ولادنا فداه


و هيفضل طوالى طوالى بإذن الله


فوق كل الرايات ، و النصر يقول : سلامات


حرية أراضينا فوق كل الحريات



جيلنا ده جيل الثورة * و شبابنا أسود و نسور


ياما خضرنا الصحرا * و زرعنا فيها النور


ياما بإيدينا السمرا * دوبنا جبال و صخور


ياما بنفوسنا الحرة * هَــِّدينا عهود و قصور


و كتبنا انتصارات و بنينا مدنيات


حرية أراضينا فوق كل الحريات

فى طريق الاشتراكية اختار الشعب حياة


فاتحتها الحرية و تحياتها المساواة


و الروح العربية كرامتها صيام و صلاة


و العزة المصرية ما تذل لغير الله


و لنكران الذات عمرنا ما تارنا يبات


حرية أراضينا فوق كل الحريات




****




اليوم فتحت عينيا


كلمات : حسين السيد





اليوم فتحت عينيا على صوت بينادى عليا


الدنيا بقت حرية حرية حرية


عاهدت الوطن الغالى أحكمه أنا و ابنى و خالى


و بصبر سنين و ليالى الثورة صبحت ليا


حرية حرية


دستور الشعب كيانه .. شفنا فى الغيب عنوانه


من يوم ما أمر سبحانه بالثورة للحرية


حرية حرية


و صبحت عزيز فى بلادى .. أحميها بعمر جهادى


و أفديها بدم ولادى و إن راحوا يبقوا هدية


حرية حرية


بقى عدل و دستور دايم .. بين المحكوم و الحاكم


لا عاد مظلوم و لا ظالم .. لا يبيع و لا يشترى فيا


حرية حرية


دى مبادئ و رسمناها .. و حقوقنا و عرفناها


و أنا و إنت اللى طلبناها فى تلاتة و عشرين يوليه


حرية حرية




****





يا مصر تم الهنا


كلمات : عبد المنعم السباعى





يا مصر تم الهنا بهمة الأحرار


و بعد سبعين سنة الليل طلع له نهار


ياما صبرنا سنين ياما و ياما طال الليل بينا


راح الظلام و النور جانا ... يا رب نوَّر ليالينا


و اكتب لنا ألف سلامة فى كل خطوة فى خطاوينا


بقالنا دلوقتى كرامة ... أحرار بنحكم أراضينا


كان الفساد من حوالينا بيشغل البال الخالى


و لما فاض الكيل بينا ضحينا للمجد العالى


دموع تصحيها عينينا و دموع تنيمها ليالى


يا رب طمن أمانينا و انصر لنا الوطن الغالى


نعيش فى مصر لوحدينا و جيشنا يحرس أبوابها


شبابه يهزم أعادينا و قوة الدنيا شبابها


و المجد تبنيه أيادينا و تبقى مصر لأصحابها


يا ابن بلدى يا بلدينا اخلص لمصر و أحبابها




http://www.youtube.com/watch?v=NF7r8N5SlAQ





****





قولوا لمصر


كلمات : أحمد شفيق كامل





قولوا لمصر تغنى معايا فى عيد تحريرها


تم النصر و صبحت حرة فى إيد أحرارها


و بعزة أبطالها تحيا و يحيا رجالها





( غناء : عبد الوهاب )

يا اللى بنيت الهرم الرابع و بنيت جيل


هرمك نهضة و جيش و مصانع تحمى النيل


رمز كفاحنا ، سر نجاحنا ، نفدى وراك مصر بأرواحنا


و بعزة أبطالها تحيا و يحيا رجالها





( غناء : شادية )

كان اليوم ده أمل من إمتى بنتمناه


حلم و عشنا سنين على ناره بنستناه


صبح الحلم حقيقة و علم


و لا محتل دخيل و لا ظُلم


و بعزة أبطالها تحيا و يحيا رجالها





( غناء : محمد عبد المطلب )

قولوا لعرابى أخدنا بتارك من اللى خانوك


خرج الغاصب اللى شرانا من اللى باعوك


و اللى باقى لنا نخلص تارنا فى فلسطين و ديار عروبتنا


و بعزة أبطالها تحيا و يحيا رجالها





( غناء : فايدة كامل )

من باندونج صارحنا الدنيا بصوت جبار


مش للشرق و مش للغرب لكن أحرار


جهادنا جهاد عرب أمجاد


من مراكش إلى بغداد


و بعزة أبطالها تحيا و يحيا رجالها





( غناء : عبد الغنى السيد )

الاستعمار اللى إحنا قاسينا منه سنين


و بأعوانه اتحكم فينا دنيا و دين


زالوا و زال و اتبدل الحال


و اتحررنا بإيد أبطال


و بعزة أبطالها تحيا و يحيا رجالها





( غناء : عبد الوهاب )

قولوا لعرابى أخدنا بتارك م اللى خانوك


خرج الغاصب اللى شرانا من اللى باعوك


و اللى باقى لنا نخلص تارنا فى فلسطين و ديار عروبتنا


و بعزة أبطالها تحيا و يحيا رجالها






****






بطل الثورة


كلمات : حسين السيد





بطل الثورة إحنا معاك ...إنت حمانا و إحنا فداك


إنت حبيبنا يا جمال .. و إنت ناصرنا يا جمال


من قبل الثورة كنا عارفينك .. من عهد جدودنا كنا مواعدينك


كان اسمك عايش فى قلوبنا .. و ملامحك ساكنة فى عيونا


علشان كده لما اتقابلنا .. شاورنا عليك و قلنا


جيت فى معادك بعد ما طال


و إحنا جينا لك بالأجيال


إنت حبيبنا يا جمال .. و إنت ناصرنا يا جمال


المركب سارت بإيديك و إيدينا .. و لا موجة خاينة قدرت تطوينا


حتى اللى خانونا و هاجمونا لما رجَّعنا ما لامونا


إن هزمونا ما سمعونا بنقول هنحارب و شافونا


إيدنا بإيدك ع القنال


و إحنا جنودك يا جمال


إنت حبيبنا يا جمال .. و إنت ناصرنا يا جمال


حققت أملنا و حميت ثورتنا .. و بقينا من يومها إحنا أسياد بيتنا


و الثورة خلقت حرية .. مشيت بأمانى قومية


هدمت تماثيل الرجعية .. و انطلقت ثورة عربية


و الحرية عايزة نضال


و القومية طالبة رجال


العرب اتقابلوا جمعتهم فكرة


و تاريخ إمبارح كان درس لبكرة


و نجاح الثورة الشعبية فى الجمهورية العراقية


كان نعمة م المولى و هدية لشعوب الأمة العربية


إبنى حماكى يا بغداد


و إحنا معاكى يا بغداد


إنت حبيبنا يا جمال .. و إنت ناصرنا يا جمال




http://www.youtube.com/watch?v=rwtn027929c





****





السَعْد جالِك


عبد المنعم السباعى





يا مصر زيِّك ما لاقيت مثالِك


يزول عدوِك و يعيش جمالِك

بعد انتظارِك و ظلم حالِك و نوم طويل


صِحْيِت آمالِك بإيدين رجالِك فى يوم جميل



و شُفنا ثورة .. من غير دموع


و فى ليلة حلوة .. قِدْنا الشموع



و السَعْد جالِك .. و يعيش جمالِك


يعيش جمالِك

كان ظلم قاسى .. و ليل مآسِى


مالوش نهاية

لا حدّ شايف .. و لا حدّ عارف


إيه الحكاية

الصبر فادنا .. و نور جهادنا نـَوَّر ضلامنا


و جيش بلادنا .. بالروح نـَجَدنا لما انظلمنا






****




ناصر


كلمات : حسين السيد





ناصر كلنا بنحبك


ناصر و هنفضل جنبك


ناصر و نعيش و نقول لك


ناصر يا حبيب الكل يا ناصر


قيموا أعياد النصر و هنوا شعوبنا الحرة


عيد كل ثورة انطلقت من ثورتنا الكبرى


كانت ثورتنا إرادة


انفجرت منها إبادة


للعبودية و الرجعية و أعلناها اشتراكية


ناصر و انت اللى هديتنا


ناصر و بنيت وحدتنا


ناصر و جمعت صورتنا


ناصر يا حبيب الكل يا ناصر


كافحنا الظلم سنين و الصبر ما كانش بإيدنا


و عرفنا الآخِر فين و إزاى نوصل لحقوقنا


شقينا بإيدنا طريقنا


و رسمنا حياتنا و عشنا


و عشنا نعادى مين يعادينا و نسالم أمم الحرية


ناصر و مشيت قدامنا


ناصر و حاربت الكل عشانا


ناصر و المولى نصرنا


ناصر يا حبيب الكل يا ناصر


شعبك شعبك يا فلسطين مش ممكن هيسيب تاره


جيش التحرير ع الباب مستنى يعود لدياره


شمسك يا فلسطين هتطلع


و حقوق اللاجئين هترجع


كل الشعب العربى سلاحه و سلاحه وحدة و قومية


ناصر رايتك عربية


ناصر و الخطوة الجاية


ناصر ع الصهيونية


ناصر يا حبيب الكل يا ناصر


و إنتى يا معجزة الجيل يا أم الأبطال يا جزاير


إروى من دم الغاصب عطش الدم السايل


كافحى و عيشى يا جزاير


نصرك قريب يا جزاير


إحنا معاكى و ضد الظلم فى كل بلد أرضها عربية


ناصر و إحنا الفدائية


ناصر أرواحنا هدية


ناصر و أهى مستنية


ناصر يا حبيب الكل يا ناصر


جاهد يا شعب العرب الثاير و احمى جهادك


بالعلم و الأخلاق و ابنى و ضحى لبلادك


بكره من بعدك ولادك


يحكى لهم عنك جهادك


و ابنك عمره ما ينسى أرضك اللى إنت فايتها حرة قوية


ناصر هنضحى حياتنا


ناصر و هنبنى بلدنا


ناصر و هنسيب لولادنا


ناصر يا حبيب الكل يا ناصر



http://www.youtube.com/watch?v=PupFyZnq8NI







****




يا جمال النور و الحرية


كلمات : أحمد شفيق كامل





يا جمال النور و الحرية يا جمال ثورتنا القومية


كنا على معاد ويا الأعياد هلت مع نور الحرية

المجد يا نيل هل صباحه و النصر أخدنا على جناحه


و وعينا و مشيت خطاوينا على تاج الشمس و أفراحه

و على الشطين شفت ركابه رجَّع للنيل مجد شبابه


بصيت غنيت و هتف قلبى مبروك للنيل و لثورتنا

قلناها و بنقولها يا دنيا مش عايزين غير الحرية


و نعيش فى سلام نبنى وطنا وطن القومية العربية




****



تسلم يا غالى


كلمات : عبد المنعم السباعى



تسلم يا غالى ألفين سلامة كانت ليالى مجد و كرامة


صحيت بلادك من نوم طويل و كان جهادك مالوش مثيل


كان مرادك ما تشوف ذليل


تحميك قلوبنا .. أصلك حبيبنا


تسلم تسلم تسلم يا غالى


قضيت شبابك سهران فى حيرة و فتحت بابك لأيام عسيرة


و زاد عذابك و لا جبت سيرة


تحميك قلوبنا .. أصلك حبيبنا


تسلم تسلم تسلم يا غالى


الدين هداية ، حب و وداد لا فيه جناية و لا فيه فساد


رب العناية نجى البلاد


تحميك قلوبنا .. أصلك حبيبنا


تسلم تسلم تسلم يا غالى


الوادى كله بالجيش سعيد من بعد ذله ذل الحديد


الشعب قال له : نصرك أكيد


تحميك قلوبنا .. أصلك حبيبنا


تسلم تسلم تسلم يا غالى


يا جيش جنودك أشجع جنود يا جيش عهودك أنبل عهود


من غير وجودك مالناش وجود


تحميك قلوبنا .. أصلك حبيبنا


تسلم تسلم تسلم يا غالى






****






يا نسمة الحرية


كلمات : أحمد شفيق كامل





يا نسمة الحرية يا اللى مليتى حياتنا


يا فرحة رايحة و جاية بالحب فوق جنتنا

و لا حلاوة المية فى الصحرا للعطشان


حلاوة الحرية لشعب شاف حرمان

من فرحتنا بحريتنا اللى بصبر سنين نولناها


عايزين نورها ، عايزين خيرها يسعد كل بلد ناقصاها



إحنا سلام و محبة لكل شعب حبيب


عايشين حياتنا أحبة للناس بعيد و قريب

نرسم إحنا طريقنا بروحنا زى صالحنا و زى هوانا


لا يودينا و لا يعود بينا رأى غريب من بره حمانا

وطن العروبة وطنا و الخير بحاله فيه


رجع مصيره لإيدنا و إحنا اللى راح نبنيه

من زراعتنا تقوم صناعتنا و الخير يبقى خيرين فى إيدينا


و بمدافعنا بين مصانعنا نحرس حرية أراضينا




****




دمــــشــــــق


أحمد شوقى




سلام من صبا بــــردى أرق


و دمع لا يكفكف يا دمشق


و ذكرى عن خواطرها لقلبى


إليك تلفت أبدا و خـــــفق


لحاها الله أنباء توالــــــــت


على سمع الولى بما يشق


و قيل معالم التاريخ دكــت


و قيل أصابها تلف و حرق


دم الثوار تعرفه فرنــــسا


و تعلم أنه نور وحــــــق


نصحت و نحن مختلفون دارا


و لكن كلنا فى الهم شرق


وقفتم بين موت أو حيــــاة


فإن رمتم نعيم الدهر فاشقوا


و للأوطان فى دم كل حر


يد سلفت و دين مستحـــــق


ولا يبنى الممالك كالضحايا


و لا يدنى الحقوق و لا يحق


و للحرية الحمراء بــــــاب


بكل يد مضرجة يـــــــدق


جزاكم ذو الجلال بنى دمشق


و عز الشرق أوله دمشق




****




فلسطين


على محمود طه







أخى جاوز الظالمون المدى فحق الجهاد وحق الفدا


أنتركهم يغصبون العروبة مجد الأبوة والسؤددا


وليسوا بغير صليل السيوف يجيبون صوتا لنا أو صدى


فجرد حسامك من غمده فليس له بعد أن يغمدا


أخى أيها العربى الأبى أرى اليوم موعدنا لا الغدا


أخى أقبل الشرق فى أمة ترد الضلال وتحيى الهدى


أخى إن فى القدس أختا لنا أعد لها الذابحون المدى


صبرنا على غدرهم قادرينا وكنا لهم قدرا مرصدا


طلعنا عليهم طلوع المنون فطاروا هباء وصاروا سدى


أخى قم إلى قبلة المشرقين لنحمى الكنيسة والمسجدا


أخى قم إليها نشق الغمار دما قانيا ولظى مرعدا


أخى ظمئت للقتال السيوف فأورد شباها الدم المصعدا


أخى إن جرى فى ثراها دمى وشب الضرام بها موقدا


ففتش على مهجة حرة أبت أن يمر عليها العدا


وخذ راية الحق قبضة جلاها الوغى ونماها الندى


وقبِّـل شهيداً على أرضها دعا باسمها الله واستشهدا


فلسطين يحمى حماك الشباب وجل الفدائى والمفتدى


فلسطين تحميك منا الصدور فإما الحياة و إما الردى




****




صوت الجماهير


حسين السيد

إنشاد عبد الوهاب مع نخبة من الفنانين والفنانات: فايزة أحمد ، شادية ، فايدة كامل
نجاة الصغيرة ، عبد الحليم حافظ ، والمجموعة



صوت الجماهير صوت الجماهير صوت الجماهير


هو اللى بيصحى الأجيال


صوت الجماهير صوت الجماهير صوت الجماهير


هو انتفاض عزم الأبطال ..


هو اللى بيتكلم هو اللى بيتحكم ..


هو البطل ورا كل نضال


من عهد آدم و الظلم حاول


يعادى دايما شمل القلوب


و الشعب دايما كان صوته عالى


و النصر دايما كان للشعوب


فى تاريخ كل نضال


على مر الأجيال


يبتدى من همسات بترج آهات الظلم فى كل ضمير


و انتصرت خطوات


و انطلقت صيحات


تفضل تكبر تفضل تعلى لحد ما تبقى صوت الجماهير


صوت الجماهير صوت الجماهير


...........
............


يا شعوبنا الحرة يا عربية


كافحى و زيدى ثبات و عناد


و إن كان فيه للغدر بقية


نار الغدر حطبها رماد


نار بتصحينا ..


نار بتقوينا ..


مهما اتآمروا علينا ..


مبادئنا بتحمينا


مابقاش فينا خضوع


بابتسامات ودموع


توب الغدر بيفضح نفسه حتى ولو ملفوف بحرير


خط السير معلوم


و طريقنا مرسوم


هو الوحدة والاشتراكية و الاتنين هدف الجماهير


صوت الجماهير صوت الجماهير





****




والله وعرفنا الحب


كلمات حسين السيد، 1966






والله وعرفنا الحب والحب فى بلدنا اتعلمناه والله


من يوم ما صادفنا القلب والقلب أطهر قلب عرفناه والله


كان هو حبيب الشعب والشعب شاف ليلة قدره معاه


وبأرواحنا عاهدناه وبحياتنا ناصرناه


أكبر من ده حب ما فيش غير حب الله وحبيب الله


يا اللى حياتك هي حياتنا عارف ليه إحنا اخترناك


شوق الماضي لمجد الحاضر كنا بنحلم بيه وياك


أمل الحاضر في المستقبل لسه بقية مشواره معاك


حلم كان بيراودنا من أجيال وواعدنا


والله وعاش من شافه، طال السما بأكتافه


وبأرواحنا عاهدناه وبحياتنا ناصرناه


أكبر من ده حب ما فيش غير حب الله وحبيب الله


الحرية كفاح ومباديء صلى عليها الشعب وصام


كانوا زمان بيعلموها لنا إملا و إنشا ورص كلام


وياك انت اتعلمناها ثورة حب ونور وسلام


حب الخير كان رائدنا جوه بلدنا وبرا بلدنا


كل عزيز في جهاده شاركناه بجهاده


وبأرواحنا عاهدناه وبحياتنا ناصرناه


أكبر من ده حب ما فيش غير حب الله وحبيب الله


إحنا بنينا فجر حياتنا وبنهديه لشباب يحميه


قد غرامه بحب بلاده يعرف يكره مين يعاديه


معنى جديد للحب يا بلدي يا ما شقينا علشان نلاقيه


حاربنا اللي حاربنا وكان النصر بجانبنا


ومشينا ومدينا وشبابنا بيحمينا


وبأرواحنا عاهدناه وبحياتنا ناصرناه


أكبر من ده حب ما فيش غير حب الله وحبيب الله


حب الوطن العربي أمانة وفرض وعهد على الملايين


كل ما نوهب خطوة كبيرة نحمي شرف المجد سنين


وحياة حبك لأجل عيونك يا فلسطين راجعين راجعين


جيش التحرير إيده في إيدنا بكرة حيعلن عيده وعيدنا


يوم ما حيكسب دينه وينوّر قناديله


وبأرواحنا عاهدناه وبحياتنا ناصرناه


أكبر من ده حب ما فيش غير حب الله وحبيب الله


http://www.youtube.com/watch?v=ErNpAZNpgbQ





****




الله تالتنا


حسين السيد





الله تالتنا .. مبارك فى وحدتنا .. و معلى رايتنا


و مقوى كلمتنا

عقبال حبايبنا و حبايب حبايبنا


طول ما إحنا ولاد عم و خىّ


ما بيغلب إرادتنا شىّ

كرامتنا و عزتنا بنبنيهم بوحدتنا

طول عمرنا و الحب جامعنا .. على عهد غالى


عهد الظلم اللى خلق منا .. وحدة أهالى

الجرح اللى كان من بَرَدَى يسيل ، تسهر عشانه عيون النيل


وحدة كفاح من عهد طويل ، رفعت رايتنا فى أسعد جيل

دم العربى الحر .. مالهش غير قلب واحد


مهما بيجرى بعيد .. ما يهونشى ساعة الشدايد

و الأخ برضه مسيره لأخوه .. يفديه بروحه قبل عينيه


و المجد أوْلـَى باللى بانوه .. يتقابلوا لأجل يحافظوا عليه

وحدة تسالم مين يسالمها و يخاف عليها


لكن الويل و النار و جحيمها للى يعاديها

دى أرضنا و مفروشة كفاح .. و الشبر منها رجع فى سنين


و اللى اتبنى على نار و سلاح .. ترخص فداه أرواح ملايين

شِدّى الخــُطــَى يا وحدة ، و دَوِّى .. النصر ماشى


خللى زباين الغدر تعوى ، ما يهمناشى

دا طريقنا و إحنا اللى فتحناه بأمانى بيض و قلوب من نار


قسماً بعهد جلال الله ما يمر منه غير الأحرار



http://www.youtube.com/watch?v=18UXdJQb5fw




****




دعاء الشرق


محمود حسن إسماعيل





يا سماء الشرق طوفي بالضياء وانشري شمسك في كل سماء


ذكريه واذكري أيامه بهدي الحق ونور الأنبياء


كانت الدنيا ظلاماً حوله وهو يهدي بخطاه الحائرينا


أرضه لم تعرف القيد ولا خفضت إلا لباريها الجبينا


كيف يمشي في ثراها غاصب يملأ الأفق جراحاً وأنينا


كيف من جناتها يجني المني ونرى في ظلها كالغرباء


أيها السائل عن رايتنا لم تزل خفاقة في الشهب


تشعل الماضي وتذكى ناره عزة الشرق وبأس العرب


سيرانا الدهر نمضي خلفها وحدة مشبوبة باللهب


أمماً شتي ولكن للعلا جمعتنا أمة يوم النداء


نحن شعب عربى واحد ضمه فى حومة البعث طريق


الهدى و الحق من أعلامه و إباء الروح و العهد الوثيق


أذن الفجر على أيامنا و سرى فوق روابيها الشروق


كل قيد حوله من دمنا جذوة تدعو قلوب الشهداء





****




كل أخ عربى


حسين السيد







كل أخٍ عربىٍ أخى * شرفُ دمى و جوارى


فكفاحنا وحَّده نـَبـِى * كان أخا الأحرار ِ

دافِع .. دافع عن أهلك و إخواتك !


دافع .. دافع ! أرضك هى حياتك

دافع بر و بحر و جو .. و صون المجد و زيده و مِد


و احمى العهد اللى انت صنعته .. لما كتبت ميثاق العهد

السَمَا أرض النسور و الفضا مِلك الجسور


و الحياة نبض الشباب استعد يا شباب

هاجـِم .. هاجم .. بانتصاراتك هاجم


هاجم .. هاجم .. و اسبق كل مُهَاجـِم

لك أعداء واقفين لك دايماً بالمرصاد و سلاح الغدر


هيروح فين الغدر و ليله و إحنا معانا جيوش النصر

ساهِم .. ساهم .. بضميرك و كفاحك


ساهم .. ساهم .. عملك هُوَّا سلاحك

خللى الشمس تسيح بدراعك و انت بتعرق جهد و صهد


دُق الأرض مداخِن عالية و هِد الصخر جناين ورد

ناصِر .. ناصر .. و أنصر كل مجاهد


ناصر .. ناصر .. إحنا طريقنا واحد

أرضنا واحدة .. مبادئ واحدة .. و بتجمعنا وحدة صف


كل شهيد كان أخ بيرسم لأخوه العربى طريق الزحف



****




أغنية عربية


كامل الشناوى



كان وهماً وأمانى وحلمًا


كان طيفا ! !


وصحا النائم يومًا


ورأى النور فأغفى . . كلما استيقظ نام


وارتمى بين الظلام





ثم كانت صحوةً


كالنار ؛ كالتيار


. . كالقدر العنيد !


أيقظته ، بعثته ، خلقته


من جديد ، من حديد



لا تسلنى أين كنا .. أين أصبحنا .. و كيف


لا تسلنى ما الذى وحدنا قلباً وصفاً ؟



سل جموع الشهداء


سل دموع الأبرياء


سل دم السورى والمصرى


يجرى لهباً


صارخاً : عرباً كنا و نبقى عربا !


لم يكن أيهما بالأمس وحده


ولقد صارا مع الأيام وحدة !





لا تسلنى أين كنا ؟


أين أصبحنا ؟ وكيف ؟


لا تسلنى ما الذى وحدنا قلباً وصفاً ؟



عرف الشعب طريقه . . وحد الشعب بلاده


فإذا الحلم حقيقة . . والأمانى إرادة ! !






****






نشيد الوادى


مأمون الشناوى





عاشت مصر حرة و السودان

دامت أرض وادى النيل بأمان


اعملوا تنولوا * و اهتفوا و قولوا


السودان لمصر * و مصر للسودان


أرضنا الأصيلة .. لا و لن تهان


موطن البطولة * موطن الشجعان


انهضوا و سيروا * نبلغ الكمال


و اسبحوا و طيروا * ندرك المحال


و اعملوا تنولوا * و اهتفوا و قولوا


السودان لمصر و مصر للسودان


يا من يبتغى عيش الكرام * امض دائماً إلى الأمام


فى ربوع الوادى صيحة التحرير


ينذر الأعادى * جمعنا الكبير


بالجهاد نبنى * مجدنا الجديد


بالنظام نجنى * نصرنا الأكيد


اعملوا تنولوا * و اهتفوا و قولوا


السودان لمصر و مصر للسودان


سيروا فى حمى الله المعين * كونوا جنده فى العالمين


إنه الإله واهب الحياة * فى كل اتجاه نبتغى رضاه


رب كل وادى خالق العباد * هازم الأعادى حافظ البلاد


اعملوا تنولوا * و اهتفوا و قولوا


السودان لمصر و مصر للسودان









****




الوطن الأكبر


أحمد شفيق كامل 1960



هو أشهر أناشيد عبد الوهاب، وقد وصلنا منه ثلاث تسجيلات، أكثرها انتشارا التسجيل الذي صوّره عز الدين ذو الفقار للتلفزيون، يفتتحه ويختمه عبد الحليم، وبين الفاتحة والخاتمة أربع وصلات منفردة تؤديها تباعا صباح، فادية كامل، شادية، وردة، و نجاة
.




وطني حبيبي الوطن الأكبر يوم ورا يوم أمجاده بتكتر


وإنتصاراته مالية حياته وطني بيكبر وبيتحرر


وطني وطني


وطني يا مالك حبك قلبي وطني يا وطن الشعب العربي


يا اللي ناديت بالوحدة الكبرى بعد ما شفت جمال الثورة


إنت كبير وأكبر كتير من الوجود كله من الخلود كله


يا وطني


حلو يا مجد يا مالي قلوبنا حلو يا نصر يا كاسي رايتنا


حلوة يا وحدة يا جامعة شعوبنا حلوة يا أحلى نغم في حياتنا


يا نغم ساري بين المحيطين بين مراكش والبحرين


في اليمن ودمشق وجدة نفس الغنوة لأجمل وحدة


وحدة كل الشعب العربي


حلو يا مجد يا مالي قلوبنا حلو يا نصر يا كاسي رايتنا


حلوة يا وحدة يا جامعة شعوبنا حلوة يا أحلى نغم في حياتنا


يا نغم ساري بين المحيطين بين مراكش والبحرين


في اليمن ودمشق وجدة نفس الغنوة لأجمل وحدة


وحدة كل الشعب العربي


قوميتنا اللي بنحميها اللي حياتنا شموع حواليها


جنة بتضحك للي يسالم وجحيم ساير على أعاديها


شوفوا بيروت بعد العدوان الاستعمار فين والطغيان


قدر الشعب وقوّته سادت وبورسعيد حكايتها اتعادت


عاش وانتصر الشعب العربي


وطني يا أغلى وطن في الدنيا وطني يا قلعة للحرية


إنت الباني مع البانيين وانت الهادم للعبودية


الصوت صوتك حر وعربي من صدى شرقي ولا صدى غربي


يا اللي ترابك كحل لعيني يا اللي هواك عطره بيحييني


إنت حبيبي يا وطني العربي


وطني يا ثورة على استعمارهم إملا جزايرك نار دمرهم


لو نستشهد كلنا فيك صخر جبالنا راح يحاربهم


الاستعمار على إيدنا نهايته راح من الدنيا زمانه ووقته


لا في الجزاير ولا في عُمان تهدى الثورة على الطغيان


إلا بنصر الشعب العربي


وطني يا جنة الناس حاسدينه على أمجادها وعلى مفاتنها


يا اللي قنالك رجعت ملكك وانت لخير الدنيا صاينها


علّي السد وخذ من خيره صنع وإزرع وابني في نوره


خلي علاك في قلوبنا عبادة يا وطن كل حياته سيادة


وطن العزة الوطن العربي


وطني يا زاحف لانتصاراتك يا اللي حياة المجد حياتك


في فلسطين وجنوبنا الساهر ح نكملك حرياتك


إحنا وطن يحمي ولا يهدد إحنا وطن بيصون ما يبدد


وطن المجد الوطن العربي






النشيد معروف كذلك بصوت عبد الوهاب على العود، والنص هنا مختصر، وكل مقطع منه ينتهي بـ"وحدة مصر وسورية"، بخلاف النسخة الجماعية الشهيرة. يختم عبد الوهاب بموال يغيب عن تسجيل الاستوديو الجماعي، وفيه يقول:



أموت يا وطني شهيد وأتمنى أعيش تاني


وأموت فداك من جديد وأحمي أوطاني


وطني يا ساكن قلبي وفكري عهدي وحصون العهد بعمري


حلفت لأرفع بأيدي رايتك ع القدس كله وعلى جزايرك


يا نعيش كرام نحمي السلام يا نموت فداك إنت وانت في علاك إنت


يا وطني






يبقى التسجيل الثالث، وهو تسجيل حي يفتتحه عبد الحليم ويختمه بالموال الذي يؤديه عبد الوهاب على العود، وفيه يقول: أنا اللي حرفع بإيدي رايتك... بين الفاتحة والخاتمة أربع مقاطع تؤديها تباعا صباح، هدى سلطان، نجاة، وشادية. المقطع الخاص بهدى سلطان غير موجود في تسجيل الاستوديو الجماعي، وفيه:


وطني يا ثورة حب وعزة وطني يا دنيا سلام وعزة


يا اللي ما تحمل حقد لغيرك ولا هدك من ظالم هدّة


التنبور اللي ملا الدنيا كلمة حب اسمها حرية


يا اللي هواك في قلوبنا عبادة يا وطن كل حياته سيادة


وطني حبيبي الوطن العربي




كذلك، تؤدي نجاة في هذا التسجيل المقطع الذي يبدأ بـ"قوميتنا اللي بنحميها" مع اختلاف في الكلمات. تغيب بيروت وتحلّ بغداد:


نقول للأخوة اللي فى بغداد إنتو أمل أجيال وبلاد


مهما ظلام الليل حيطول لأجل النور ليعود للأول


يملا ديار الوطن العربي





****




الشهيد


عبد المنعم الرفاعى




يا خيال النصر في يوم الفدى عز مسراك وعز المفتدى


كبّرت لـــــما تنقّلت الربى وجثا الشط وحياك المدى


لك ما غنّى وثنى وشدا طائر الدوح وما الحادي حدا


والدوالي الخضر روّاها الندا وندائي كلما طاب الندى


عصفت روحك أطراف الحمى وسرت فى كل سمع نغما


من ظلال الله مدت ظلها فهي نور الله أرضا وسما


ورويت الأرض عطرا ودما ودعاك الثأر أن تنتقما


وفلسطين خيال كلما هاجك الشوق تجلى وبدا


مارد من عسكر الجن انبرى ينهب السهل ويحتل الذرى


حامل رشاشه منطلق لا يبالي لهبا أو عسكرا


خلف الذل بعيدا وجرى وارتدى ثوب الردى واعتمرا


يدرك المرمى (البر) يرى أو لا يرى ثم يلقى ربه مستشهدا


دخل الجنة موفور السنا وحنا العرش عليه ورنا


ماثل فى طرفه طيف الحمى فهو فى الفردوس يبكى الوطنا


ودوى الذكر في الأقصى دنا والخيام السمر أشتات المنى



والفدائى بأطراف القنا يكتب النصر ويُملى الموعدا




http://www.youtube.com/watch?v=Qcq6zcjngEQ







****





أصبح عندى الآن بندقية


نزار قبانى





أصبح عندي الآن بندقية


إلى فلسطين خذوني معكم


إلى ربى حزينة كوجه مجدلية


إلى القباب الخضر .. و الحجارة النبية


عشرون عاماً و أنا


أبحث عن أرض وعن هوية


أبحث عن بيتي الذي هناك


عن وطني المحاط بالأسلاك


أبحث عن طفولتي


وعن رفاق حارتي


عن كتبي .. عن صوري ..


عن كل ركن دافئ .. و كل مزهرية ..





أصبح عندي الآن بندقية


إلى فلسطين خذوني معكم .. معكم


يا أيها الرجال ..


أريد أن أعيش أو أموت كالرجال


أريد .. أن أنبت في ترابها


زيتونة ، أو حقل برتقال ..


أو زهرة شذية


قولوا .. قولوا لمن يسأل عن قضيتي


بارودتي .. صارت هي القضية..



أصبح عندي الآن بندقية ..


أصبحتُ في قائمة الثوار


أفترش الأشواك و الغبار


و ألبس المنية ..


مشيئة الأقدار لا تردني


أنا الذي أغير الأقدار .





يا أيها الثوار


في القدس ، في الخليل ،


في بيسان ، في الأغوار..


في بيت لحم ، حيث كنتم أيها الأحرار


تقدموا ..


تقدموا ..


تقدموا ..


تقدموا ..


إلى فلسطين


فقصة السلام مسرحية ..


و العدل مسرحية ..


إلى فلسطين طريق واحد


يمر من فوهة بندقية





****




أيها الساري


عبد المنعم الرفاعى




أيها الساري إلى مسرى النبي * ونجيّ الوطن المغتصب


هل على الصحراء من أعلامنا * مطلع الشمس ومهوى الكوكب


قد كبونا ربّ مهرّ جامح * ردّه في العدو مكر الثعلب


فانتفضنا فإذا راياتنا * صيحة الثأر وموج الغضب


زحف الجند وحان الموعد * والمجال الرحب أمس وغد


والمدى قلب وعين ويد * والشذا عبق الفداء الطيب


ودوت في أفقها المضطرم * وفلسطين على كل فم


يلتقيها في المدى رجع الصدى * ويؤديها لأفق أعظم


فانطلقنا خلف أبعاد المنى * في المجال الصاخب المحتدم


نحن ثوارك جئنا نفتدي * تربك الغالي بمسفوح الدم


حولنا كل كريم المنتمى * حمل العهد وهزّ العلمَ


نفتدي عزك أرضا وسما * والعلا تحت ظلال الموكب


أيها الساري إلى مسرى النبي * ونجيّ الوطن المغتصب




****





يا إلهى


حسين السيد




يا إلهى ، انتصرنا بقدرتك


و فى جهادنا استعنا برحمتك


و اعتمدنا و ضربنا بقوتك


و اتحدنا و سجدنا لنعمتك


يا إلهى .. يا إلهى .. الحمد لك و الشكر لك



انتصرنا و كان سلاحنا كفاح


و المبادئ كانت أمضى سلاح


سلطنا القلوب ع النار و الحديد


و سبقنا الغروب ع الفجر الجديد


فجر الدولة العربية من وحدة مصر و سوريا



إنت أخويا و ابن عهدى الأمين


و فى جهادك أنا أخوك من سنين


ليه ما يكونشى أبوك دراعك القريب


و ابنك و ابن أخوك أقرب من الغريب


تبقى الدولة العربية من صُنع إيديك و إيديا



للعروبة و بعناية الإله


و لكرامة حقنا فى الحياة


وحَّدنا الجهود و مهدنا السبيل


شِلنا من الوجود كلمة مستحيل


صَبَحِتْ دولة عربية ليها كلمة و ليها حرية



أمة واحدة تحت راية الأمان


و إتحادنا زادها مجد و ضمان


عنوانها إتحاد ضد المعتدين


و شعارها حياد مرفوع الجبين



تحيا الدولة العربية و لتحيا مصر سورية



http://www.youtube.com/watch?v=GAqLR3Kk8C8





****




حب الوطن


كلمات : أمين عزت الهجين





حب الوطن فرض عليا ... أفديه بروحى و عينيا


ليه بس ناح البلبل ليه ... فكرنى بالوطن الغالى


قضيت أعز شبابى فيه ... و فيه حبايبى و عذالى


و إن شاف هوان و لا قسية ... أفديه بروحى و عينيا


يا مصر أنا رضعت هواكى ... من الصبا و جرى فى دمى


أحب نيلك و سماكى ... إنتى أبويا إنتى أمى


أرواحنا و شبابنا فداكى ... و فداكى روحى و عينيا


ماليش يا مصر حبيب غيرك ... بأميل إليه فى الدنيا دى


دا أنا اللى متربى فى خيرك ... و إزاى راح أنسى هوى بلادى


و ليلك الحلو الصافى ... أفديه بروحى و عينيا


حب الوطن فرض عليا ... و مين يلومنى فى حبه ده مين


ده ورده أحلى فى عينيا ... من كل ورد تشوفه العين


يا يعيش كريم يا أموت كريم ... و أفديه بروحى و عينيا



http://www.youtube.com/watch?v=VSf_b9zuQ-s




****





يا حبايب بالسلامة


حسين السيد







يا حبايب بالسلامة رحتم و رجعتم لنا بألف سلامة


رحلة نصر جميلة مشوار كله بطولة


خطوة عزم نبيلة لسنين جاية طويلة

ثورة شعب بحاله هبت من أجياله


أيدتم فى نضاله و شاركتم أبطاله


و دافعتم عن شرف العزة و الكرامة

الموج اللى شايلكم نورتوه بمشاعلكم


سبق البحر و جابكم لإخواتكم و حبايبكم


على بر الحرية و هَدَّى بالسلامة

يا فرحة أحبابكم و أهاليكم و شعوبكم


و يا نكبة حسادكم و الخونة أعداءكم


لطموا خدود الحسرة و شبعوا ميت ندامة

يوم ما ودعناكم سافر الشوق وياكم


شفنا النصر معاكم لما المولى رعاكم


و المركب أهى رجعت سالمة يا سلامة

بالحضن يا حبايبنا يا حياتنا يا شبابنا


اليوم دا يوم عيدنا و الورد مواعدنا


يملا عيون الدنيا فرحة و ابتسامة

كل العرب إخواتكم عايشين فى انتصاراتكم


عرفوا تضحياتكم و شهامة عروبتكم


عشت يا جيشنا العربى و تحيا الشهامة





http://www.youtube.com/watch?v=9izLJ2aZiU4

#ديانا_أحمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات