عبدالله صقر
الحوار المتمدن-العدد: 3540 - 2011 / 11 / 8 - 13:44
المحور:
الادب والفن
ها أنتخب إنسان
وقف معايا بالميدان
ها أهتف بأعلى صوتى
مع صوت الكنائس والآذان
ها أهتف ضد الفساد والطغيان
وهانتخب اللى عرف أنا مين
وموش مهم هو أحمد ولا أمين
المهم يكون على حقوقى راجل أمين
ها أنتخب واحد ينصرنى على الظالمين
ويرجع لى حقوقى اللى ضاعت من سنين
........................................
ها أنتخب واحد يرجع لى حلمى اللى كان
وا قف معايا فى الميدان
وقال معايا الحق لازم يظهر ويبان
ها أقول نعم للرجال الشجعان
وها أقول لآ لآ لآ للجبان
المهم اللى ها أنتخبه يكون إنسان
يحافظ عليا وعلى الآوطان
ها أقول نعم للى وقف معايا فى الميدان
وأتعرض للرصاص ووقف وقفة الشجعان
..........................................
ها أنتخب واحد يرجع
لى حلمى
ويشيل عنى همى
ويجفف دمى
اللى سال منى
طوال سنين عمرى
ويرجع لى كرامتى
ويخلينى رافع هامتى
ها أنتخب اللى يسترنى
وما يخلنيش أتغرب
عشان لقمتى
وأتعذب فى غربتى
المهم ها أنتخب إنسان
يقدر يحافظ عل الآوطان
#عبدالله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟