عبد الرضا حمد جاسم
الحوار المتمدن-العدد: 3539 - 2011 / 11 / 7 - 08:41
المحور:
الادب والفن
صاح الله واكبر
والفجر
طر
وبالعيد بَشّر
عيدين عدنه بالسنه
عيد الأضحى والفطر
بيناتهن أيام.... مد أو جزر
وكَبل كل عيد... ساعات جر أو عر
الفطر
من دار فتوى ننتظر
يصدر أمر
إكمال عده
لو هلال هل
واليله ما تكعد الناس تتسحر
والأضحى
نستقبله بدم ونحر
كَبل كل عيد
ناس دايخه تفتر
ماتدري يحيط بيها خير لو شر
ناس كلوبها...نار
عله الي صار
وعله كلمن ظلم لفه كبر
وعله مغصوب هاجر
لو تهجر قسر
كَلوب عاصره القهر
والحزن علمَرْ أو عبر
المفروض
بالعيد الخواطر تنجبر
والحزنان يفرح
وصدور تنشرح
ويتصلح... إل بيام أخرى أنكسر
عدنه.... كل عيد البشر
بين كبور تفتر
إن جان برد الوكت لو جان حر
ماي وشموع
وياس ودموع
وصياح مرات مسموع
ومرات ما مسموع
ممنوع
وجن البلكَبر للعيد ينطر
خدود وعيون من اللطم والبجي صارن حمر
وتعب وتراب السفر
عيدين ...عوز اوقلق
وقهر و سهر
وتحضير السفر
عيد.....ما ندري علينه شلون مر
لن الفرح سيطر عليه الشر
عيدين عدنه بالسنه
عيد الأضحى و الفطر
والناس بين كبور تفتر
#عبد_الرضا_حمد_جاسم (هاشتاغ)
كيف تدعم-ين الحوار المتمدن واليسار والعلمانية
على الانترنت؟