أنا .. وياك

كاظم الفضلي

الحوار المتمدن-العدد: 3506 - 2011 / 10 / 4 - 16:15
المحور: الادب والفن
    

اذا أشتاقيتلك اتحسس جروحي
لأن بيّ الجروح اثخان بس منك
وأذا احتاجيت صوره وردت أشوفنك
مخيلتي وحياتي وذهني كله انت
وبدمع العيون اسنين أرسمنك
عمر وأنت بطباع الذيب تتحايل
ماجن الطباع العندي فادنك ..
غمضت العيون ورحت أمشي وياك
علمتك ثقه أشلون المحبه أتصير
بس انت الأوصاف البيك غرنك ..
حلو أي صح حلو تبهر عيون الناس
والأجمل دلالك زايد بحسنك
حلو بس معاشرك مر ..
ومااظن الخلط بين هذا وذاك فادنك
اطيتك وهبتك دنيتي وروحي
اخذ باقي العمر والجاي كله وياك
تعبني الصبر بس حلمي أريدنك
بخت .. يمكن بخت
لو سر حياتك ماأعرفنك
ألك وحدك اسولف وأنذر أنذور
كون أتصير يمي وماأعوفنك
صرت أنه وهويتك ذللت روحي
ومتوقع غلط والصار مو منك
اتباها وازامط بيك من احجي
واسهب بالحديث واحجي بس عنك
لأن أول محبتي قدر وأتصير أنت وياي
ضحيت بحياتي وكَلت اكسبنك
مامعقول تطلع سيف لو منشار
أي سيف تذبحني واموت أرتاح ..
بس منشار من يقطع جذع نخله
ياكل بالجذع من يصعد وينزل
ونشارة خشب سويتني بفنك
أرجوك ..
مر بيّ ولو غاية ثواب جروحي يردنك
لازالت فرص تجمعني أنا وياك متأكد
بس ياريت تتبدل طباعك وأنا أطبعنك

#كاظم_الفضلي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات