جكليت المهاجر وگرگري المالكي*

عيني سرمد هذا المعمم كذاااااااااااب كذاب (على وزن ماشاءالله) والسبب بسيط لأنه الأحرار يعلمون ان الله قد فشل وعجز تماما عن شفاء الأمراض المستعصيه والدليل المرضى الي بالفديو !!! ولا ممكن ولا حتى لو سوولهم مصنع جكليت، والي يتأمل فاقول له انت غلطاااااااااااان غلطان ولا حتى مائة عام مو مائة يوم ممكن تشفي هيجي مرضى ويخلص العراق من الداء الي هو بيه، الا اذا والعبره هنا واقولها نصيحه طيبه لجميع الأحرار لكم ثلاث خيارات،اما ان تهاجروا، او تبطلون تضحكون على انفسكم واطلبوا مساعدة العلماء والخبراء ليشفوا مرضاكم ، او أوكفوا سره وأكلوا من الجكليت حتى تصيرون مثلهم وترتاحون!!! وتريحون!!!
والصلااااااة والسلاااااام على الجميع مع امممموووواااااااا ه جبيره لسرمد الجراح......قبلت لو ماقبلت غصبا عليك ههههههه....تعرفني اني بالسكم شلون اكون!!!... بدعت اليوم ياسرمد

محبتي وتقديري واحترامي

إرسال شكوى على هذا التعليق          50 أعجبنى             المزيد-الاشراك   

---

عيني سرمد
تره لايصة أصلي، وهسة الكل مشلّه ذرعانه ويريد يجيت، يعني واكفة عالطكّة،
وضايعة الطاسة وكل واحد يجر بصفحة، ميردون الأمور تصفه، يردوها تبقى هيج تايهة
تحياتي

إرسال شكوى على هذا التعليق          46 أعجبنى             المزيد-الاشراك   

---

بالمناسبة اخ سرمد عندي فيديو مال المهاجر يتفل بحلوك الناس بس مدا اكدر انزل الرابط المهم المالكي شغلته شغلة الايرانيين بالحرب من سوو سنة الحسم , براس السنة كالو لا احنه قصدنه سنة نوروز ومن صارت نوروز كالو لا سويناهه مفتوحة ولا المالكي 100 يوم او وراهه 100 اللخة والحبل عالجرار

إرسال شكوى على هذا التعليق          54 أعجبنى             المزيد-الاشراك   

---

الاخ العزيز سرمد الجراح المحترم
هناك جهات تعمل بالخفاء وتدفع الاموال الطائلة الى أشخاص نكرات لغرض تأدية دورهم في تجهيل الناس وأستغفالهم بامور غيبية ,أمثال المهاجر وباسم الكربلائي , ,والشيخ فاضل المالكي والعاصفي وغيرهم الكثير,ولا تستغرب أن تسمع يوما بان هناك اختصاص في توزيع ( بيض اللقلق)بحجة انه يشفي من الامراض العقلية,أو (شعر بنات)كونه يشفي من الامراض الجنسيةوالتناسلية,أو (العكيد)لانه مجرب ومضاد فعال ضد الامراض الاخلاقية,أ و(الخريط)الذي يغير الكثير من الجينات الوراثية,الان هذه المواد لا زالت التجارب البحثية تجري عليها في أرقى المختبرات العلميةالحوزوية ,وما عليك الا الانتظار لترى المزيد من المبتكرات الاسلامية وعندها سوف تستغني عن الطب الحديث وتكاليفه الباهضة,,,فهذه هي حكومة العجائب .
,الاسلامية تتفنن في نصب مصائد للمغفلين

إرسال شكوى على هذا التعليق          85 أعجبنى             المزيد-الاشراك   

---

العزيز سرمد
طبعا ضحكاتي وصلت الى سابع جار على وصفك الجميل لمحاضرة الجكليت الدينية الرائعة
رغم انني شاهدت الفيديو منذ فترة للشيخ المهاجر قدس الله سره
ولا تكول مارا ضعيفة بالدين ... هاي دعوة مبطنة ان يقدس الله سره قريبا

وقلت في نفسي : مصيبتنا شتحطلها وتطيب؟
والي يقتل كل شوية صايحين : اللهم صلي على محمد وعلى آل محمد
على شنو؟ على صخام الوجه ؟
باعوا كركري والناس تشتري

اتمنى اكو مكنسة انتقائية تكنس شكو زبالة بشرية بالعراق
تحياتي

إرسال شكوى على هذا التعليق          46 أعجبنى             المزيد-الاشراك   

---

أخي سرمد
حكاية بغدادية قديمة تقول بأن رجلاً كان يعبر الجسر صباح ذات يوم من جهة الرصافة ماشياً ليصل لمحل عملهِ في الكرخ ، حين رأى رجلاً طويلاً وهو يتكئ بجسده على سور الجسر وقد مد كلتا يديه للأعلى ، وقرب قدمه يتقرفص شخص آخر وهو يشخر في نومهِ
وعند عودة الرجل عصراً من عملهِ لبيتهِ وجد نفس الرجلين وهم على نفس وضعيتهم حين مرَ بهم صباحاً !!! ، فتعجب وسأل الرجل الطويل : متكلي ليش واكف من الصبح ليهسة على هل صورة ، وهذا صاحبك ديشخر يم رجليك !!؟
أجابه الرجل الطويل : كِلِت أمد إيدي ليفوك مثل الأريل بلكن فد واحد من طيور نعيج المي ( طير النورس ) يوَكِر على إيدي وأبيعة للناس
قال له الرجل العابر : ولك إنت مخبل ... متكلي شلون راح نعيج المي يوكر على إيدك ؟
أجاب الطويل بعصبية : هو آني المخبل لو هذا الدثو النايم اللي إنطاني عربون مال تلاثة نعيج المي ؟
السالفة وما بيها يا سرمدنا هو أن رجل الدين والمالكي وكل ساختجي جان كدروا يعبرون كلاواتهم لوما الشعب الجاهل ؟
بعدين هو صوج البائع الشاطر لو صوج الشاري الغبي ؟
رايح انام وتصبحون كلكم على نعيجات إمشيشات ومشويات ومملحات وينتظرن اللي ياجلهن
تحياتي

إرسال شكوى على هذا التعليق          46 أعجبنى             المزيد-الاشراك   

---

الصديقه اللدوده أغصان, وعليكم الموووووواه ورحمة الله وبركته ونردلجياها خرده انشاء الله. تعرفيتن عزيزتي قررت من وره نصيحتج اسوي مشروع يدر ذهب, افتح صيدليه المهاجر واحط بيها بس جكليت مستورد مباشرة من جوه عمامته. بس اريد شريكه بالمشروع وانتي خبيرة شتكولين
تحياتي
الاستاذ مازن البلداوي, ياعزيزي هذوله بيناتهم توصل بالمدس, لكن من مصالحهم تتهدد يصيرون دهن ودبس لكن بعد الخير ليكدام والحر راح يزيد ونشوف شراح يصير
تحياتي
العزيز عباس فاضل, مو زين مايكول وكع صفر من حلكي واني قصدت الف, بس الانتي فايروس اللي عندي منعه
تحياتي
الاستاذ علي الشمري, نعم عزيزي وسأدخل هذه الحليات في مشروع الصيدليه المقترح اعلاه واصرف راجيتات براحتي
تحياتي

إرسال شكوى على هذا التعليق          102 أعجبنى             المزيد-الاشراك   

---

الاخت الكريمه مارا, لا ماشاء الله صايره آية الله وبعد شويه وتصيرين بالحوزه _ بتزاكري من ورانا؟- هوه المهاجر من يشوف هل غنم شيكللها تسوي مو حقه يتخبل. يكلهم حطوا اديكم على روسكم يحطوها, كوموا الطموا يلطمون, كوموا اركصوا يركصون. قرود مال سيرك الله وكيل
تحياتي
الاستاذ البابلي, على كولتك وعلى كولة المثل العراقي, رجال اللي يعبي بالسكله ركي, ناس لاكين خوش قشامر ويثرمون براسهم بصل وياخذون فلوسهم وياكلون رزقهم ويتزوجون بناتهم واديهم تنباس, وفوكاها مسوين فضل عليهم من ياخذون بناتهم
اكو اكثر من هيج قشامر بالدنيه, لو يمكن احنه القشامر اللي ما اشتغلنه هيج شغله
تحياتي

إرسال شكوى على هذا التعليق          104 أعجبنى             المزيد-الاشراك   

---

تحياتي للجميع - متت من الضحك بس راح أحكي شيء الرجل قال 100 يوم نعم ولكن للدراسة والآن سوف تبدأ المائة الثانية للعمل - التنفيذ - يعني الرجل بعده عند كلامه حسب ما قالوا الأتباع فلا نظلمهم ,, هسه افتهمنا هم ظلام قابل احنا هم انصير مثلهم ؟
فعلاً كما قالوا
شر البلية ما يضحك
تحياتي سرمد

إرسال شكوى على هذا التعليق          52 أعجبنى             المزيد-الاشراك   

---

الاستاذ الكاتب شامل عبد العزيز, هاي حقكم بيها 100 يوم للدراسه وراها 100 للتقييم و100 للتجربه و 100 للضوك و 100 للقيمه والتمن, خلي يتعلمون ويجربون براسنه, دكول احنه فئران تجارب -حاشاكم- بس اعظم شي بالعراق انه ماكو حاكم يطلع سلامات الا ينصلخ جلده بعدين. ومن يضحك اخيرا يضحك كثيرا كما قيل
شكرا للمروركم وتحياتي لكل الاحبه

إرسال شكوى على هذا التعليق          44 أعجبنى             المزيد-الاشراك   

---