شيرزاد همزاني
الحوار المتمدن-العدد: 3372 - 2011 / 5 / 21 - 01:16
المحور:
الادب والفن
متغرّب ... ويمشي بوحده
وطريقه بألآهات موسومة
لا صديق عنده ... لا رفيق للدرب
حتى خبزته عنه مضمومة
كلها الناس ما تهتم له
المتغرّب "بالوحدة "جبهته
موصومة
حمله شايله بكَلبه
بكَلبه شايل همومه
كل هاي
وما عافوه بحاله
هجموا عليه ذيابة ...
هم خصومه
بليلة كلها ظلمة
والبشير فيها نعبق
وبومة
مسكوه
وبليا ما عنده حتى عوجية
والعين من النظر محرومة
وماكو .. حتى الصدى
ميرد على صياحه
وألآذان شلون عنه مصمومة
ذبوه بين نار وجهنم
كَالوا له
"يا المتغرب هي دنيانا وألك محرومة"
مشوّه للموت برجليه
وأشكَد الموت شوفته ...مشؤمة
يا المتغرّب ..موت
الموت راحة
للي نصيبه من الدنيا بس همومه
صحيح الموت طعمه مر
لكن مر الموت
حلو لحي .. ميت يومه
شيرزاد
السويد
6th-7-2007
#شيرزاد_همزاني (هاشتاغ)
كيف تدعم-ين الحوار المتمدن واليسار والعلمانية
على الانترنت؟