علي حسين كاظم
الحوار المتمدن-العدد: 3276 - 2011 / 2 / 13 - 09:14
المحور:
الادب والفن
برد شباط
علمني برد شباط
حبك صعب يلزارع الدنيه عشك
وبيرغه نجمه
ياخيال نحر ليل شباط
ودمع الخواطر صبر
وكلشي بدروبك صبر
بعد ما صافح شباط
جفوف النذل
برد شباط
أحجي يل مايك فاض
ابلا كلب
وطفه شموع الخضر
وجرف الشواطئ تنكر صوانيه
والنوم اتعثر
ولك ياشباط
اعيون اهالينه سهر
والعطش هز دمعي
وسواليفك قهر
و ذكراك
مشاحيف اتسودن انهاري
وباجر وبعد باجر
ازودن واترس جفوفي فرح
واتفيض اشعاري
وموجات النهر تكبر
ويه اغاني الناس
ويعود خطاري
ويعود خطاري
علي حسين كاظم
كندا
#علي_حسين_كاظم (هاشتاغ)
كيف تدعم-ين الحوار المتمدن واليسار والعلمانية
على الانترنت؟