أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - الفلسفة ,علم النفس , وعلم الاجتماع - عادل ندا - جلسات نفسية 8














المزيد.....

جلسات نفسية 8


عادل ندا

الحوار المتمدن-العدد: 3231 - 2010 / 12 / 30 - 22:29
المحور: الفلسفة ,علم النفس , وعلم الاجتماع
    


الجلسة الثانية عشر، جماعية: رأيت هذا من قبل
هالة: أنا شفت اللى بيحصل ده قبل كده.
الدكتور: دى ظاهرة نفسية اسمها " رأيت هذا من قبل". وبتحصل لأى حد. أنما لما بتتكرر كتير ممكن تسبب إضطراب نفسى.
هالة: وفى آخر الموقف حضرتك قلت نفس اللى قلته ده يا دكتور.
سميح: أنا أيضا أستطيع أن أرتفع عن الأرض وأسير فى أى اتجاه، طبقا لأفكارى. وزمان سألت واحد صاحبى فى الفصل، شفتنى لما كنت بطير فى الفصل؟ قالى اه.
مختار: أنا اللى بيحصلى، هو التزامن. وبحس كتير أنى متواصل مع آخرين عن بعد.
حسنين: كل دى تخاريف وأحلام يقظة.
نورة: ازاى؟ عمرك ما رحت مكان لأول مرة، وحسيت أنك جيت المكان ده، زى ما هو عليه، قبل كده؟
حسنين: بيجيلى الأحاسيس دى أحيانا بس اللى أحس أنه برة المنطق، بأستبعده من دماغى على طول. كل دى تخاريف.
شريفة: أيه المانع أن الواحد يخرف، بس يبقى واعى أنه بيخرف.
الدكتور: طفى النور كله يا صفية. ونشوف ايه اللى هيحصل.
شريفة: بخاف من الظلمة.
هالة: هى جلسة تحضير أرواح ولا ايه؟
نورة: ما تخوفنيش أكتر.
الدكتور: اللى يشوف حاجة فى الظلمة يقول.
تمر دقائق من الصمت.
صفية: أنا شايفة نور بيظهر ويختفى، فى نص الأوضة.
حسنين: ده نورك يا صفية. على فكرة أنا شايف نور كمان.
نورة: لونه أحمر برتقالى، وبيتحرك ناحية الشباك.
شريفة: لأ بيتحرك لفوق. طالع ناحية السقف.
هالة: دا جاى ناحيتى.
سميح: أنا مش شايف حاجة خالص.
الدكتور: اللى شايف نور وشايف بيتحرك ازاى يقول؟
هالة: دلوقتى طالع لفوق.
شريفة: لأ ثابت فى النص.
هالة: أنا حاسة أن الموقف ده حصل قبل كده.
الدكتور: وايه اللى حصل فى آخره، يا هالة؟
هالة: مش عارفة.
الدكتور: لما عملوا التجربة دى لفترة طويلة حوالى ساعة على مجموعة متجانسة، بعد ساعة كلهم شافوا النور، بنفس اللون ونفس اتجاه الحركة.
شريفة: وده معناه أيه؟
الدكتور: ولعى النور يا صفية. كل واحد يفسره زى ما هو عايز، يا شريفة.

الجلسة الثالثة عشر: جريمة
الزوج: نحن نرتكب جريمة، وده اللى خلانى أصر على أننا نجى للجلسات.
الزوجة: أنت اللى بترتكب جريمة كل يوم. كل يوم بيشرب يا دكتور.
الدكتور: واضح انكم متخانقين.
الزوج: فيها أيه لما أشربلى علبتين بيرة، بعد ما أرجع من الشغل بالليل، عشان أفضى دماغى وأعرف أنام.
الزوجة: فيها أنه حرام. رحتك بتبقى خمرة، وما بطيقهاش.
الزوج: ما انتى متجوزانى وعارفة ده من الأول.
الزوجة: كنت فاكرة أنى ممكن أغيرك. وأكسب فيك ثواب.
الدكتور: ما فيش حد بيغير حد، غصبن عنه.
الزوج: أصرار غريب ومستمر على أنى أمشى على مزاجها. على فكرة يا دكتور قعدت 3 سنين مبطل حتى السجاير، بسبب أزمة مالية. وبرضه كل يوم كان فيه نكد.
الزوجة: ما تطلقنى.
الزوج: والعيال؟ وما تنسيش أنى رميت عليكى الطلاق مرتين قبل كده. والطلقة التالتة تبقى مفيش رجوع.
الزوجة: ومين اللى قالك أنى عايزة أرجع لك. دا أحنا معيشين العيال فى نكد.
الزوج: وهى دى الجريمة اللى أرتكبناها، ومالهاش حل.
الدكتور: أنتى بتشتغلى أيه؟
المريضة: ما بشتغلش.
الزوج: عاملانى شغلتها. حاجة تقرف. ليه بتحاولى تقهرينى؟ ليه مصرة على أنى أبقى زى ما أنتى عايزة؟ المفروض العكس.
الدكتور: لأ، الاتنين غلط. ولا أنت تقهرها، ولا هى تقهرك.
الزوج: عمرى ما حاولت أغيرها. وقابل كل الإختلافات اللى بينا.
الزوجة: عشان ما يفرقش معاك، لانك ما بتحبنيش.
الدكتور: وهو اللى بيحب حد يخليه يطابق الصورة اللى جواه.
الزوجة: يطابق الصح.
الزوج: وهو الصح، أنك على طول لوية بوزك، ومعيشة البيت فى نكد.
الزوجة: ما أنت السبب.
الدكتور: بيقولوا أنا صح، وأنت صح. كل واحد له ظروفه واختياراته، اللى صح بالنسباله، حتى لو كانت عند التانى غلط. المهم نحاول نقلل الضرر من الاختلاف.
الزوج: ونقلل الضرر ازاى؟
الدكتور: بحلول الوسط مثلا. لما تشرب، نام فى اوضة تانية.
الزوجة: دا أحنا كلنا عايشين فى أوضة واحدة.
الدكتور: دى تبقى خانقة، مش خناقة.



#عادل_ندا (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- جلسات نفسية 7
- جلسات نفسية 6
- جلسات نفسية 5
- جلسات نفسية 4
- المربع رقم صفر (5)
- المربع رقم صفر (4)
- المربع رقم صفر (3)
- المربع رقم صفر (2)
- المربع رقم صفر (1)
- الآثار النفسية للحروب (4)
- الآثار النفسية للحروب (3)
- الآثار النفسية للحروب (2)
- الآثار النفسية للحروب (1)
- إسرائل عبء أخلاقى إنسانى ثقيل (6)
- إسرائل عبء أخلاقى إنسانى ثقيل (4)
- إسرائل عبء أخلاقى إنسانى ثقيل (3)
- إسرائل عبء أخلاقى إنسانى ثقيل (2)
- إسرائل عبء أخلاقى إنسانى ثقيل (1)
- إنقاذ الإقتصاد العالمى (3)
- إنقاذ الإقتصاد العالمى (2)


المزيد.....




- نتنياهو لعائلات رهائن: وحده الضغط العسكري سيُعيدهم.. وسندخل ...
- مصر.. الحكومة تعتمد أضخم مشروع موازنة للسنة المالية المقبلة. ...
- تأكيد جزائري.. قرار مجلس الأمن بوقف إسرائيل للنار بغزة ملزم ...
- شاهد: ميقاتي يخلط بين نظيرته الإيطالية ومساعدة لها.. نزلت من ...
- روسيا تعثر على أدلة تورّط -قوميين أوكرانيين- في هجوم موسكو و ...
- روسيا: منفذو هجوم موسكو كانت لهم -صلات مع القوميين الأوكراني ...
- ترحيب روسي بعرض مستشار ألمانيا الأسبق لحل تفاوضي في أوكرانيا ...
- نيبينزيا ينتقد عسكرة شبه الجزيرة الكورية بمشاركة مباشرة من و ...
- لليوم السادس .. الناس يتوافدون إلى كروكوس للصلاة على أرواح ض ...
- الجيش الاسرائيلي يتخذ من شابين فلسطينيين -دروعا بشرية- قرب إ ...


المزيد.....

- فيلسوف من الرعيل الأول للمذهب الإنساني لفظه تاريخ الفلسفة ال ... / إدريس ولد القابلة
- المجتمع الإنساني بين مفهومي الحضارة والمدنيّة عند موريس جنزب ... / حسام الدين فياض
- القهر الاجتماعي عند حسن حنفي؛ قراءة في الوضع الراهن للواقع ا ... / حسام الدين فياض
- فلسفة الدين والأسئلة الكبرى، روبرت نيفيل / محمد عبد الكريم يوسف
- يوميات على هامش الحلم / عماد زولي
- نقض هيجل / هيبت بافي حلبجة
- العدالة الجنائية للأحداث الجانحين؛ الخريطة البنيوية للأطفال ... / بلال عوض سلامة
- المسار الكرونولوجي لمشكلة المعرفة عبر مجرى تاريخ الفكر الفلس ... / حبطيش وعلي
- الإنسان في النظرية الماركسية. لوسيان سيف 1974 / فصل تمفصل عل ... / سعيد العليمى
- أهمية العلوم الاجتماعية في وقتنا الحاضر- البحث في علم الاجتم ... / سعيد زيوش


المزيد.....
الصفحة الرئيسية - الفلسفة ,علم النفس , وعلم الاجتماع - عادل ندا - جلسات نفسية 8