حامد كعيد الجبوري
الحوار المتمدن-العدد: 3195 - 2010 / 11 / 24 - 19:10
المحور:
الادب والفن
نص غنائي
23 / 11 / 2010
******************
لا حبيبي وداعة الله لا تكول
الفركه توجع نار وتسر العذول
هيّ جلمة عتب كالتها الشفايف
دنيه أنت ومن تغيب الدنيه خايف
لاحبيبي وداعة الله لا تكول
***********************
كلبي طير ودامن الوحدَه غريب
خاطره مكسور ويتاني الحبيب
أشلون حاله الينهجر مكسور خاطر
للدروب أبلهفه مشدوده النواظر
كحل شوفك هلبت أبجيتك أنول
لا حبيبي وداعة الله لا تكول
*********************
من لهيبك أشتكيلك مو عتاب
أبكلبك إسمعني ولترد الجواب
أدري طبعك مو صخر ساعه ويلين
أتنث ترافه روحك وتنكط حنين
لا تشح الماي وورودي أبذبول
لا حبيبي وداعة الله لا تكول
******************
#حامد_كعيد_الجبوري (هاشتاغ)
كيف تدعم-ين الحوار المتمدن واليسار والعلمانية
على الانترنت؟