ناصر النوبى منصور
الحوار المتمدن-العدد: 3189 - 2010 / 11 / 18 - 22:01
المحور:
الادب والفن
قصيدة فى الكرنك
فى الكرنك اتجنن شامبليون
اكتر من 100 عمود نور على شكل البردى مفتوح او حيفتح مستنى النور
مستنى اشارة من مولانا الفرعون او من الكاهن اى
وبيصرخ...اى ..اى
انا مش قادر افتح عينى
او ابص لفوق ياعمى امون..الحمل تقيل
دى كباشك كسرت عينى
سايبهم لية..؟ وعلشان مين؟
عارف ياعم فى الليل بعد الصوت والضوء والمعبد فاضى
بشوف عفاريت
وبشوف مساخيط
عمالة تخبط فيا شمال ويمين
والكاهن اى عمال بيزك
ودراعه مش عارف ليه مرفوع والتانى مقطوع وحريم المعبد تدارى ورايا
تجرى تصرخ
تصرخ تجرى
الحقنا ياعم امون...
وتعدى ايام
وتمر سنين
والصدى بيزيد
وعياله بتكتر
وانا مسخوط فى عمود
#ناصر_النوبى_منصور (هاشتاغ)
كيف تدعم-ين الحوار المتمدن واليسار والعلمانية
على الانترنت؟