كلها تروح

عبد الرضا حمد جاسم

الحوار المتمدن-العدد: 3096 - 2010 / 8 / 16 - 23:36
المحور: الادب والفن
    

كلها تروح
أنه أروح
وأنت تروح
وغيرنه يوم ويروح
مايبقى واحد ما يروح
العاش عمره بفرح لوعاش مجروح
السهر ليله غنه لوسهر ليله ينوح
كلها تروح
الجروح تروح
الأرواح تروح
الأسف موع ليروح الأسف علهدف ألي عليه أرواح راحت
والبقت رادت تروح
الأسف..على ألي بدل ميداوي
ملح ذب علجروح
الأسف.. عله ألي راح ..ومالاح الهدف والبقه ما راح أله يلوح
ألجروح....سهلات الجروح
ومن يوم سيدنه نوح
مرت كَبلنه بشر.....عبرت بحور أوسوح
منهم صعد علقمم...قله....وهوايه تعاركوا عللوح
يروح...
العاش بالذل والخزي والضميره مجروح
الصم حلكَ العدل وخله صوته مبحوح
العاف مركب شرف وظل علرذيله مجلب بلوح
ويروح
الكَال ياروح ما بعدج روح
وتروح حتماً كل ريحه عفنه تروح
بس....ما يروح الشعل شمعه وخلّف للحقيقه صروح
إلي ضحه للوطن ودمه بالشرف مسفوح
الخير حتماً ما يروح
ألي ربّه وتصدق وكَال كلمه نصوح ...ما يروح
الكَال الظلم باطل ... الظلم ما مسموح مايروح
وماتروح..ريحة الطيبه والمحبه والسلم للدوم تبقى تفوح
حكمه جبيره خالده وما تروح
ألي ذبح....يوم وتشوفه مذبوح
تتهدم سطوح الرذيله شما علت...وشما نصت للشرف تعله سطوح
وموسوه..ألي شرب حليب الذل والي شرب عز الفوح
ألي بقه عللأرض ما نجه...وما نجه الي ركب مركب المنقذ نوح
يوم تتحاسب الروح
عبد الرضا حمد جاسم/فرنسا

#عبد_الرضا_حمد_جاسم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات