شيرزاد همزاني
الحوار المتمدن-العدد: 3079 - 2010 / 7 / 30 - 09:33
المحور:
الادب والفن
أحلف بالله , خيالك ما فاركَـني
من يوم ألتقيتك.. وللآن
وشوكَي ألك
....مثل شوكَي لأهلي
لأمي ولأبوي .. ولكوردستان
وأتمنى لو أنت كل لحظة وياي
أو أحنا ويا بعض
.......يا أحلى أنسان
لو ما الكَلب معجزة ويتحمل الشوكَـ
كان كَلبي تحطم وأكلته النيران
الكَلب كل ما يشتاق أكثر
يتحمل أكثر
ما يخوفه الموت
يخاف بعد ما يشوفك
.........يا ورد نيسان
يا أحلى فصل وأحلى لحظة عمر
يا أجمل ذكرى تقاوم النسيان
كل ما أشوف بنت شعرها اسود
وعيونها كأنها عيون غزلان
...أشبهها بيك
بس
صدكَني ماكو مثلك أنسان
يا أول فرحة شفتها بحياتي
ويا اللي حجيك وصمتك
..... كله الحان
أهـداء الى غاليتي ش.ز ,,,
شيرزاد
السويد
April/23rd- 2007
#شيرزاد_همزاني (هاشتاغ)
كيف تدعم-ين الحوار المتمدن واليسار والعلمانية
على الانترنت؟