(( محروس من الحسد ))

جواد القابجي

الحوار المتمدن-العدد: 3077 - 2010 / 7 / 28 - 11:03
المحور: الادب والفن
    

اعراق الحُب اشبي ما أدري
انصاب ابعين .. اولفَّه الجدري
*************
طاعون اصفر دزَّه البين
مخبوط ابرَبع ابو قردين
وناس اللي تلبس وجهين
وچماله الصدري يو بدري
**********
كلها إلتمَّت تطعن بيك
اولاحن واحد مرَّه اعليك
ياوطني الله ايخلِّيك
ورده اچبيره الحبنه العذري
************
شوكه ابعين الحاسد تبقه
هُمّه الجوّه او إنتَ الأرقه
الرادت للتاريخ اتسرقه
خابت ونته ابدمنه التسري
*************
لا تهتم يا وطني الغالي
شدّه اتزول اوتبقه العالي
روحي او گلبي وحالي ومالي
وكل الطيبه ابحبّك تجري
************
تتعافه او تنهض متأكد
او تمشي اگبال عيون الحاسد
كلنه انشوفك بطل اوصامد
اوعين الحب الدربك تربي
*********
إلكل واطي او سارق غدّار
من كل طيِّب وطني انذار
گرَّب والله يوم الثار
وين اتطير او وين اتـــــــــــولّي
***************
[email protected]

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات