الى من لاموني

حسين صادق

الحوار المتمدن-العدد: 3045 - 2010 / 6 / 26 - 20:47
المحور: كتابات ساخرة
    

حسين صادق
[email protected]

"ينبغي الا يعد التخاصم دائما نتيجة غير مرغوب فيها للتوترات داخل مجتمع متعدد " نوردلينغر

ليله الانتخابات جلسنا نتسامر حول من سننتخب ومن هو الافضل وماذا تقول المرجعية ومن المرشح الاقوى والخ الخ كل ادلى بدلوه احدهم قال يبدو ان السيد السيستاني قد اعطى الضوء الاخضر لانتخاب الائتلاف العراقي فيما قال الاخر بالعكس ان دولة القانون له النصيب الاوفر الثالث قال لولا المرشح الاكثر حظا للعراقية في النجف فلانا واعرف لو انتخبتها سيذهب صوتي اليه لانتخبتها ولازلت حائرا سئلوني فاجبتهم فورا سوف ابطل الورقة الانتخابية لاني وصلت الى قناعة انه لا احد من هؤلاء يستحق الانتخاب وستثبت لكم الايام صحة اعتقادي المهم وجمت الوجوه واتهموني باني غير صاحي ومجنون ولازلت بعقل المراهقين قلت لهم يا اخواني ارجوكم يعني منو راح يمثلكم بمجلس النواب انا من انتخب واحد لازم يكون يمثلني ويعرف شنو اريد وبالنسبة الي لو اريد انتخب انه مراح انتخب واحد فاشل ولا اخلي واحد حرامي يصعد من خلال صوتي للسلطة مره لخ واحد كلي حبيبي غصبن عليك صاعدين الي تكرهم لان ايدهم وحده وموزعين اصواتهم بحيث كل مرشحيهم يصعدون كلتله زين يعني انتو تعرفون انه ذوله حراميه لعد شكو رايحين تنتخبون قائمتهم وتساعدون بوصولوهم لاماكن تمنحهم حصانة ومتكدرون تحاسبوهم ولاتشوفون خلقهم ورا هيج المهم صارت ضجه وانحسم الخلاف وثاني يوم رحت وشطبت الورقة الانتخابية وماخليت بيهه مكان صاحي يكدرون يزوروها حته المراقب ظل صافن بوجهي

تدرون شكثر دا انام وضميري مرتاح انه انا موسبب بانه ذوله الحثالات معطلين امور الناس والبلد وديتفرجون على الانفجارات اللي دتاكل بشبابنا والحرايق الي دتاكل اموالنا وحقوقنا والي طارو على اول طيارة من غير ال 60 واحد الي صعدو مره لخ الله وياهم

الوضع الحالي بالعراق يتوجب يكون في ديمقراطية توافقية اي مشاركة جميع الفائزين بالحكم والمشكلة انه النخب السياسية وكبار السياسيين ميريدون يتقبلون هذا الواقع بينما هو هذا الحل مابيها مشكلة خل يكون كل واحد منهم عنده الاستعداد لقبول الحل الوسط والاستعداد لتقديم التنازلات في سبيل ان تمشي العملية باكملها
وما اعتقد انه اي واحد الان راح يقدر يشكل الحكومة بحالة يستثني اي طرف اخر لان الفيتو الي كان ممنوح للاخوة الاكراد الان صار عند الكل وبالتساوي يعني الاكراد والعراقية والدعوة والسمه الاساسية التي تميز الانظمة الديمقراطية في المجتمعات المتعددة كما يقول ليبهارت هي ان الزعماء السياسيين لكل المكونات والاطياف السياسية تتعاون في تشكيل ائتلاف واسع لحكم البلد وبذلك يستطيعوا ان يأدوا الخصومة السياسية المستعرة وبهذه الطريقه يمكن ان التوصل الى حل لمشكلة رئاسة الوزراء الي رح تخرب الدنيا فوق راس العراق

#حسين_صادق (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات