علي حسين كاظم
الحوار المتمدن-العدد: 2931 - 2010 / 3 / 1 - 18:53
المحور:
الادب والفن
ضماير بيض
صوت للضميره أبيض
وهايم بيك
وللي حمل روحه على جفوفه
ومن دون الخلك وتحزم
ونام بصبر عشكك
بلجي الليل يتعلم
إو تلتم دنياك وتركص
ركص مهره إتعارج السجان
وتركض للضوه وتحلم.
صوت لاتحاد الشعب
تنام الشمس بجفوفك
ولاتبرد
ويغفه نجمك السهران
ظفاير شوك
بيها الصبح يتغزل
وتصير النجوم الوان
إويفيض العشك
صلاة إنجوم من تحلم.
صوت لاتحاد الشعب
إمنين ماتجيس الشمس
عمر إجديد يجدد
وتتلكه الصبح جكليت
وعيون الفرح تتكلم
وعيون الفرح تتكلم.
#علي_حسين_كاظم (هاشتاغ)
كيف تدعم-ين الحوار المتمدن واليسار والعلمانية
على الانترنت؟